वीरगंज । पर्साको पकहा मैनपुर गाउँपालिका वडा नम्बर १ धोरेमा दुई परिवार बीच झगडा हुँदा एक जनाको मृत्यु भएको छ । बिहिबार राति १० बजेको समयमा घरायसी झगडामा हानाहान हुँदा ६५ वर्षिय दसई रामको मृत्यु भएको हो ।
रामको शव परिक्षणको लागि नरायणी अस्पतालमा राखिएकाे छ । उनको टाउको तथा ढाड मुनि संवेदशील अंगहरूमा चोट देखिएको प्रहरीले जनाएको छ ।
झगडाको क्रममा तानातान हुँदा राम घर नजिकैको ढलाई बाटोमा लडेको प्रत्यक्षदर्शीले बताएका छन ।
प्रहरीले प्रारम्भिक अनुसंधानको क्रमा लठिले प्रहार भएको बताएपनि मृत्युको कारण र चोटको अवस्थाबारे शव परिक्षण तथा थप अनुसंधानबाट खुल्ने ईलाका प्रहरी कार्यालय पोखरियाले जनाएको छ ।
मृतक दसई र महेश रामको घरबाट झगडा भएको थियो । दसईको मृत्यु पश्चात प्रहरीले विपक्षी महेश रामको घरबाट तीन जनालाई नियन्त्रणमा समेत लिएको छ ।
