वीरगंज । पर्साका ३ सहित थप १० जनामा शनिबार काेराेना भाइरस संक्रमण पुष्टि भएकाे छ ।
वीरगंजस्थित नारायणी अस्पतालकाे प्रयाेगशालामा ९६ जनाकाे आरटी पिसिआर विधिबाट परिक्षण गर्दा १० जनामा काेराेना संक्रमण देखिएकाे नारायणी अस्पतालका काेभिड फाेकल पर्सन डा. सराेज राेशन दासले वताए । संक्रमित हुनेहरुमा पर्साका ३ जना, बाराका ३ जना, राैतहटका एक जना, सर्लाहीका एक जना र महाेतरीका २ जना रहेकाे उनले जानकारी दिए ।
संक्रमित हुनेमा ३ जना महिला र ७ जना पुरुष रहेका छन् । संक्रमितहरु ३३ बर्षदखी ९५ बर्ष उम्मेर समुहका रहेका छन् । उनीहरुकाे सिटी भ्यालु २३.३ देखी ३५ सम्म रहेकाे छ ।
पर्साकाे वीरगंज महानगरपालिका वडा नं. ८, १७ र सखुवा प्रसाैनी गाउँपालिका वडा नं. १ का एक/एक जना संक्रमित भएका छन् ।
यस्तै, बाराकाे जितपुर सिमरा उपमहानगरपालिका वडा नं. १, ३, काेल्भि ६ का एक/एक जना संक्रमित भएका छन् ।
यस अघि शुक्रबार नारायणी अस्पतालकाे प्रयाेगशालामा ९६ जनाकाे आरटी पिसिआर विधिबाट परिक्षण ९ जनामा मात्र काेराेना संक्रमण पुष्टि भएकाे थियाे । संक्रमित पुष्टि भएका मध्ये पर्साका ४ जना, बाराका ३ जना, राैतहट र सर्लाहीका एक/एक जना थिए ।
यस्तै, बिहिबार नारायणी अस्पताल मै १४२ जनाकाे परिक्षण गर्दा २२ जनामा संक्रमण पुष्टि भएकाे थियाे । संक्रमित हुनेमा पर्साका १४ जना, बाराका ६ जना, राैतहट र सर्लाहीका एक/एक जना थिए ।
