वीरगंज । वीरगंजकाे राधेमाईमा मंगलबार आकस्मिक रक्तदान कार्यक्रम सम्पन्न भएकाे छ । हन्ड्रेड ग्रुप अफ वीरगंज र हेल्प डेक्स वीरगंजकाे आयाेजनामा भएकाे कार्यक्रममा ४ महिलासहित ६३ जनाले रक्तदान गरेकाे रक्त संचार केन्द्र वीरगंजका प्रमुख सराैभ राज पाण्डेले वताए ।
साउथ जाेन माध्यमिक विद्यालयमा भएकाे कार्यक्रममाकार्यक्रममा किशन कुमार सर्राफ, मिहिर अग्रवाल, हैपी अग्रवाल, अमित साह कलवार, राेशन साह, शतिश अग्रवाल, राहुल गुप्ता, अनिकेश साह कानु, इन्द्रा राणा, रुपा साह लगायतकाले रक्तदान गरेकाे उनले जानकारी दिए ।
काेराेना महामारीमा रगतको अभाव हुन नदिन “कोहिपनि रगतको अभावले मृत्युको मुखमा पर्नु नपरोस “भन्ने नाराका साथ हेल्प डेक्सका किसन सर्राफ र हन्ड्रेड ग्रुप अफ वीरगन्जका सचिव बिकीं सर्राफको नेतृत्वमा आकस्मिक रक्तदान कार्यक्रमको आयोजन गरिएको थियो ।
रक्तदान कार्यक्रमको संचालन हन्ड्रेड ग्रुप अफ वीरगन्जका अध्यक्ष विनय गिरीले रगतको पोका दिई गरेका थिए । रक्तदान कार्यक्रम रक्त संचार केन्द्र वीरगंजकाे प्राविधिक सहयाेगमा भएकाे थियाे ।
