वीरगंज । पाेखरिया नगरपालिकाकाे वडा नं. ८ जगतपुरमा शुक्रबार रक्तदान कार्यक्रम सम्पन्न भएकाे छ । बिश्व अहिंसा दिवसकाे अवसरमा भएकाे कार्यक्रममा ३ महिलासहित ३८ जनाले रक्तदान गरेका छन् ।
स्थानिय गैरसरकारी संस्था श्री टैरी माई युवा क्लबकाे आयाेजनामा भएकाे कार्यक्रममा पाेखरिया नगरपालिकाकाे प्रमुख प्रशासकिय अधिकृत अमित कुमार गिरि, स्थानिय युवा देबेन्द्र साह कानु, दामाेदर मिश्रा, भिम साह गाेढ, नरेश सहनी लगायतकाले रक्तदान गरेका स्थानिय कृष्ण साहले वताए ।
वडाध्यक्ष किशाेरी साहकाे अध्यक्षता र प्रदेश नं. २ का मुख्यमन्त्री लालबाबु राउत गद्दीकाे प्रमुख आतिथ्यतामा भएकाे कार्यक्रममा पर्सा क्षेत्र नं. ३ का निलम्वित सांसद हरिनारायण राैनियार, पाेखरिया नगरपालिकाका मेयर दिपनारायण राैनियार, उप मेयर सलमा खातुन, नेपाली कांग्रेसका नेता रामेश्वर राैनियार, जनता समाजवादी पार्टीका नेता नेजामुदिन सम्मानी, बिरेन्द्र यादव, सलाउदीन अहमद, क्लबका अध्यक्ष अभिषेक सर्राफ लगायतकाले मन्तव्य राखेका थिए ।
रक्त संचार केन्द्र वीरगंजकाे प्राविधिक सहयाेगमा रक्तदान कार्यक्रम भएकाे थियाे ।
