वीरगंज । पर्साका थप १३ जनामा काेराेना भाइरस (काेभिड १९) संक्रमण पुष्टि भएकाे छ । नारायणी अस्पतालकाे प्रयाेगशालामा शनिबार राति गरिएकाे परिक्षणमा पर्साका १३ सहित १७ जनामा संक्रण फेला परेकाे अस्पतालका प्रवक्ता डा. अतुलेश कुमार चाैरसियाले जानकारी दिए ।
संक्रमितहरु १९ बर्षदेखी ६५ बर्ष सम्मका रहेका छन् । उनीहरुकाे सिटी भ्यालु २० देखी ३४ सम्म रहेकाे छ । संक्रमित हुनेमा पर्साका १३, बारा ३ र राैतहटका एक जना रहेका छन् ।
प्रवक्ता डा. चाैरसियाका अनुसार पर्साका कालिकामाई गाउँपालिकाकाे वडा नं. ५, वडा नं. ३, बहुदरमाई नगरपालिकाकाे वडा नं. २, जगरनाथपुर गाउँपालिकाकाे वडा नं. २ का एक-एक जना संक्रमण देखिएकाे छ ।
त्यसैगरी, पर्सा कै बिन्दवासिनी गाउँपालिकाकाे वडा नं. ४ का २ जना, वयाेधा हस्पिटलका एक जना, वीरगंज महानगरपालिकाकाे वडा नं. ३२ का ४ जना, वडा नं. १६ र वडा नं. २५ का एक-एक जना संक्रमित भएका छन् ।
त्यसैगरी, बाराकाे कलैया उपमहानगरपालिका वडा नं. २३, प्रसाैनी गाउँपालिका वडा नं. ४ र पथलैयाका एक-एक जनामा काेराेना पाेजिटिभ देखिएकाे डा. चाैरसियाले वताए ।
पर्सा, बारा र राैतहटकाे विभिन्न ठाउँबाट आएकाे १९२ जनाकाे स्वाबकाे नमुना पिसिआर विधिबाट परिक्षण गरिएकाे थियाे ।
