वीरगंज । राष्ट्रिय जनगणना २०७८ काे तयारी सम्बन्धी अन्तरक्रिया तथा छलफल कार्यक्रम आज वीरगंजमा सम्पन्न भएकाे छ । तथ्यांक कार्यालय पर्साकाे आयाेजनामा भएकाे कार्यक्रममा वाेल्दै वीरगंज महानगरपालिकाका मेयर विजय कुमार सरावगीले जनगणनाकाे तयारी तिहारी जस्ताे गर्नु पर्ने वताए ।
कार्यक्रमका प्रमुख अतिथी समेत रहेका मेयर सरावगीले १० बर्षमा एक पटक गरिने जनगणनालाई तिहारकाे रुपमा लिनु पर्ने र काेई नछुटाेस र काेई नदाेहाेरिने हिसाबले गर्नु पर्ने वताए ।
पर्साका प्रमुख जिल्ला अधिकारी विष्णु कार्कीले जगणनाकाे लागि सबैकाे सहयाेग जरुरी रहेकाे वताए । उनले विगतकाे जनगणनाबाट पाठ सिखेर त्यस अनुसार गर्नु पर्ने वताए ।
जिल्ला प्रशासन कार्यालय परिसरमा रहेकाे कर्मचारी मिलन केन्द्रकाे भवनमा भएकाे कार्यक्रममा तथ्यांक कार्यालय पर्साका निर्देशक केशव ज्ञवाली जनगणना बारे प्रस्तुती राख्दै यस पालिकाे जनगणनाकाे लागि शिक्षक नघटाइने वताए ।
उनले अगामी जनगणना २०७८ जेठ २५ देखी असार ८ सम्म गरिने वताए । त्यसकाे लागि वीरगंज महानगरमा एक सय ५० र पर्साका अन्य स्थानिय तहमा ५ सय जना गणक घटाइने वताए । जनगणनाकाे लागि १२ कक्षा पासलाई गणक र स्नातक तह पासलाई सुपरभाईज नियुक्त गरिने उनले जानकारी गराए ।
अब हुने जनगणनाले वडा सम्मकाे तथ्यांक दिने उनले वताए । जनगणनाबाट सही तथ्यांक संकलन गर्नकाे लागि सबैकाे सहयाेगकाे जरुरी रहेको उनकाे भनाई थियाे ।
कार्यक्रममा विभिन्न राजनितिक दलका प्रतिनिधि, कार्यालय प्रमुखव वा प्रतिनिधिहरुकाे सहभागिता रहेकाे थियाे ।
