वीरगंज । वीरगंज प्रिमियर लिग टि २० क्रिकेट प्रतियोगिताको उपाधी वीरगंज स्टारले जितेको छ । वीरगंज स्थित नारायणी क्रिकेट मैदानमा जारी प्रतियोगिताको आज भएको फाइनल खेलमा सिंह ११ लायन्सलाई हराउदै वीरगंज स्टार विजयी भएको हो ।
पहिला बैटीङ्ग गरेको सिंह ११ लायन्सले निर्धारित पुरा २० ओभर खेल्दै ४ विकेटको नोक्सानीमा एक सय ४० रन बनाएको थियो । त्यस पछि जवाफी वैटिङ्गमा उत्रेको वीरगंज स्टारले १८.५ ओभर खेल्दै ६ विकेटको नोक्सानीमा एक सय ४१ रनको लक्ष्य पुरा गर्दै जित हासिल गरेको थियो ।
खेलको म्यान अफ द म्याच, म्यान अफ द सिरिज र सर्वाधिक छक्का हान्ने खेलाडी विजेता टिम वीरगंज स्टार कै खेलाडी विवेक कुमार यादव घोषित भए । उनले म्यान अफ द म्याचको पुरस्कार रु एक हजार ५ सय, म्यान अफ द सिरिजको पुरस्कार रु २० हजार र सर्वाधिक छक्का हान्ने वापतको पुरस्कार रु १० हजार पाए ।
यस्तै वेस्ट व्वलर वीरगंज सिसिको सैफुल अन्सारी र वेस्ट वैटस म्यान रौतहट राइनोजका गरौव खड्का घोषित भएका थिए । दुबै जनालाई रु १०/१० हजार नगद पुरस्कार समेत प्रदान गरिएको थियो ।
प्रतियोगितको विजेत वीरगंज स्टारलाई समापन कार्यक्रमका प्रमुख अतिथी प्रदेश २ का समाजिक विकास मन्त्री नवलकिशोर साहले पुरस्कार राशी रु २ लाख ५० हजार र उप विजेता सिंह ११ लायन्सलाई कार्यक्रमका विशिष्ट अतिथी प्रदेश सांसद जन्नत अन्सारीले पुरस्कार राशी रु एक लाख ८० हजारले सहित टफीले पुरस्कृत गरे ।
आयोजक युनाइटेड क्रिकेट क्लबका अध्यक्ष हासिम हवारीको अध्यक्षतामा भएको समापन समारोहको संचालन वीपिएलका प्रवक्ताका राजुल हवारीले गरेका थिए ।
