वीरगंज । पर्साकाे जिराभवानी गाउँपालिका वडा नं. ५ शंकरसरैयामा निर्माण भएकाे बरात घरकाे आज एक समाराेहका बिच नेपाली कांग्रेसका केन्द्रिय सदस्य रमेश रिजालले उदघाटन गरेका छन् ।
गाउँपालिका र प्रदेशकाे बजेटले निर्माण भएकाे बरात घरकाे उदघाट गर्दै केन्द्रिय सदस्य रिजालले नेकपाकाे सरकारले व्यवस्थापिका संसदलाई बन्धक बनाएकाे वताए । पार्टीकाे आन्तरिक कलहका कारण नेकपाले एउटा सभामुखकाे टुंगाे लगाउन नसकेर संसदलाई नै बन्धक बनाएकाे उनले आराेप लगाए ।
कार्यक्रमका प्रमुख अतिथी समेत रहेका नेता रिजालले दुई तिहाईकाे दम्भमा नेकपाकाे सरकारले संसद र न्यालयलाई आफ्नाे अधिनमा राखी वभिन्न काण्डहरु गरि रहेकाे समेत आराेप लगाए ।
केही समय समाजवादीले दुई तिहाईकाे लागि नेकपालाई सहयाेग गरेकाे र अब राजपा सहयाेग गर्न लागेकाे नेता रिजालकाे भनाई थियाे ।
वडाध्यक्ष दारा सिंहकाे अध्यक्षतामा भएकाे उदघाटन समाराेहमा प्रदेश सांसद शंकर चाैधरी, नेपाली कांग्रेसका नेता वृहस्पति श्रेष्ठ, रमेश पाण्डे, श्रीकान्त यादव, प्रेम थापा लगायतकाकाे सहभागिता रहेकाे थियाे ।
तिन काेठे निर्माण भएकाे बरात घरले गाउँमा हुने विवाहकाे लागि सहज हुने जनाइएकाे छ । बरात घर व्यवस्थापन समिति शंकरसरैयाकाे आयाेजनामा कार्यक्रम भएकाे थियाे ।
