वीरगंज । प्रदेश स्तरिय खानेपानी तथा सरसफाईको अवस्था, खानेपानी र सरसफाई अधिकार, नितिगत आवश्यक्ता र चुनौती सम्बन्धी १ दिने कार्यशाला आज प्रदेेेश नंं. २ को रौतहटमा सम्पन भएको छ ।
रौतहटको चन्द्रपुरको गौेतम होटलमा भएकाे कार्यक्रममा सरोकारवालाहरुले समन्वय, सहकार्य, र अधिकारलाई बाडफाड नगर्दा सम्म अवस्था नसुधिरने बताएका छन । केन्द्रिकृत कानुनले गर्दा चाहेर पनि काम अगाडी नबढेको आरोप लगाएका छन ।
पर्साकाे पोखरीया नगरपालिकाका प्रमुख दिपनारायण रौनियारले पर्सामा दर्जनौ पानीटयांकीमा लगानी गरिएको तर जनताले उपयोग गर्न नसकेको दोषी केन्द्रिय सरकारको बाझने कानुन भएको जिकिर गर्नु भयो । नेपाललाई समृद्ध बनाउन नेपालको पानी र जवानीलाई रोकेर राखियो भने हामा्रे देश अवश्य नै समृद्ध हुने जोड दिनु भयो ।
प्रदेश नम्बर २ का ८ वटा जिल्लाका एक एक जनाले जिल्लाको प्रतिनिधित्व गर्दै आआफना जिल्लाका कुराहरु प्रस्तुत गरेका थिए । प्रदेशनम्बर २ का गाउँपालिका, नगरपालिकाका प्रमुख, उपप्रमुख, कर्मचारी र गैरसरकारी संस्थाका प्रतिनिधीहरुको सहभागीतामा कार्यक्रमले भएकाे थियाे।
युनिसेफको सहयोग र खानेपानी तथा सरसफाई उपभोग्ता महासंघ नेपाल र जिल्ला महासंघ रौतहटकको आयोजनामा भएको कार्यक्रममा महासंघका केन्द्रिय उपाध्यक्ष जनक गिरी, खानेपानी तथा ढल निकास ब्यवस्थापन बिभागका उपनिर्देशका रामाकान्त गिरीले केन्द्रिय तथा प्रदेश स्तरको अवस्था, समस्या र चुनौती, मानव अधिकार, पानीको अधिकार र अब के गर्न सकिन्छ भने बारेमा प्रस्तुतीकरण गरेका थिए ।
खानेपानी तथा सरसफाई उपभोग्ता महासंघ नेपाल प्रदेशनम्बर २ का संयोजक रामकल्याण यादवको अध्यक्षतामा भएको कार्यक्रममा स्वागतमन्तब्य जिल्ला महासंघ रौतहटकका उपाध्यक्ष रामबाबु सोनुले गर्नु भएको थियो ।
