वीरगंज, १३ साउन ।
पर्साको कालिकामाई गाउँपालिका वडा नं. २ भेडिहारीको बाटो मर्मत अभावमा हिलो मै हुदा आवत जावत गर्न कठिनाई भए पनि जनप्रतिनिधिको ध्यान पुग्न सकेको छैन । भेडिहारीको दक्षिण स्थित मनोज नुनियाको घर देखी भोज रामको घर सम्मको बाटो हिलो मै हुदा आवत जावत गर्न कठिनाई भएको स्थानियहरुले वताएका छन ।
मर्मत अभावमा थोरै पानी पर्दा पनि बाटोे नालामा परिणत हुने गरे पनि जनप्रतिनिधिको ध्यान पुग्न नसकेको स्थानियहरुको गुनासो छ । जिर्ण बाटोमा पानी जम्मेका कारण सवारी साधन आवागमन प्रभावित हुनुको साथै पैदल आवतजावत गर्न समेत कठिनाई हुने गरेको स्थानियहरुले वताएका छन ।
भेडिहारी कै गाउँपालिका अध्यक्ष, उपाध्यक्ष र वडाध्यक्ष भए पनि बाटो मर्मत नहुनुले स्थानियहरु जनप्रतिनिधि प्रति आक्रोशित भएका छन । भेडिहारी कै गाउँपालिका अध्यक्ष नथुनी प्रसाद कुशवाहा, उपाध्यक्ष राजेश चौरसिया र वडाध्यक्ष सोनालाल चौरसिया रहेका छन ।
