महोत्तरी सोनमा गाँउपालिकाका कार्यालयले पत्रकारलाई धम्कीपूर्ण शब्दमा प्रेस विज्ञप्ति निकालेको प्रति अखिल क्रान्तिकारी प्रदेश नं. २ को गम्भीर ध्यानाकर्षण भएको छ । अखिल क्रान्तिकारीले आईतबार प्रेस विज्ञप्ति जारी गर्दै लहानमा अध्ययन गर्दै आएका दुई विद्यार्थीलाई गाँउमा ल्याई निर्घात रुपमा कुटपिट जस्ता कार्य निन्दिय भएकोले सथ्यतथ्य छाानविन गरि दोषीलाई कारवाहीको लागि माग गरिएको छ ।
संगठनका संयोजक सुर्य नारायण साहद्धारा हस्ताक्षरित प्रेस विज्ञप्तिमा उल्लेख भएअनुसार पत्रकारलाई ठाडै धम्कीपूर्ण भाषामा प्रेस विज्ञप्ति जारी गर्ने गाँउपालिकाको कार्यालयको सर्वसधारणको हकमा कतिको न्याय गर्दो रहेछ बारेमा आपति जनाएका छन । घटनामा दोषीलाई कानुन अनुसार कारवाही नभए अखिल क्रान्तिकारीले आन्दोलनमा उत्रन बाध्य हुने चेतावनी दिएका छन ।
आईतबार सोनमा गाँउपालिकाको कार्यालयले समाचार लेखेको भन्दै रेडियो रुपान्तरणका समाचार संयोजक धनवीर महतो, महोत्तरी पोष्टका सम्वाददाता धर्वेन्द्रकुमार यादव र टुडेपाटी डटकमका शैलेन्द्र महतोलाई धम्कीपुर्ण भाषामा प्रेस विज्ञप्ति जारी गरेका थिए । गाँउपालिकाका प्रवक्ता अशोक कुमार यादवद्धारा जारी विज्ञप्तिमा संघीय सरकार एवम प्रदेश सरकारलाई समेत पत्रकारलाई वचाउनका लागि चुनौती दिएका छन ।
