वीरगंज, १ बैशाख ।
नयाँ बर्ष यस बर्ष पनि पर्सा लगायत देश भरी नै धुमधामका साथ मनाइएको छ । नयाँ बर्ष २०७६ को पहिलो दिन आईतबार देश भरी धुमधामको साथ मनाइएको हो । नयाँ बर्षका दिन नयाँ नयाँ ठाउँमा घुमघाम गरी मिठा खाने कुरा खाई मनाउने गरे अनुसार यस बर्ष पनि मनाइएको हो ।
नयाँ बर्षको अवसरमा वीरगंज लगायत विभिन्न ठाउँमा विभिन्न कार्यक्रमको आयोजना गरी पनि मनाइएको छ । यता यस बर्षको नयाँ बर्ष आइतबार परेकोले वीरगंजमा मासुको बिक्री कम भएको छ । तराईमा आईतबारका दिन धेरै जसोले मासु नखाने गरेका कारण मासुको बिक्री कम भएको लकी मिट हाउसका संचालक फयाज आलमले वताए ।
आइतबार अधिकांश महिलाहरु मासु नखाने गरेका कारण पनि मासुको बिक्री कम भएको उनको भनाई थियो । गत बर्ष २० देखि २५ वटा खसी बिक्री गर्दै आएका मासु हुदै आए पनि आज ७ वटा खसी बिक्री मात्र भएको उनले बताए ।
यता मासुको कम बिक्री संगै नयाँ बर्षको चहलपहल पनि घटेको छ । वीरगंजमा रहेको भिस्वा डाँडा, घरिअर्वा पोखरी, भुटनदेवी मन्दिर लगायतको पर्यटकिय स्थलमा समेत चहलपहल कम देखिएको हो ।
