वीरगंज, २६ माघ ।
पर्साको कालिकामाई गाउँपालिकाको वडा नं. २, भेडिहारीलाई एक कार्यक्रमका विच पूर्ण खोप वडा घोषणा गरिएको छ । श्री सुकई साह.मा.वि. भेडिहारीमा शनिबार आयोजित कार्यक्रममा स्वास्थ्य कार्यालय पर्साका खोप अधिकृत अनिल कुमार सिंहले वडालाई पूर्ण खोप घोषणा गरे ।
वडालाई पूर्ण खोप घोषणा गर्दै कार्यक्रमका प्रमुख अतिथी समेत रहेका सिंहले आजको मितिले वडा भित्रका कोई पनि खोपबाट बन्ची हुनु नपर्ने वताए । यो निरन्तर चलिरहने भएकोले घोषणामा मात्र समिति नभई खोपबाट कोही बन्चीत नहोस तर्फ धयान दिनु पर्ने वताए ।
वडा अध्यक्ष सोनालाल चौरसियाको अध्यक्षतामा भएको घोषणा सभामा गाउँपालिकाका स्वास्थ्य संयोजक योगेन्द्र चौरसिया, स्वास्थ्य चौकी भेडिहारीका इन्चार्ज असेशवर महतो, पत्रकार छठु साह लगायतकाले मन्तव्य राखेका थिए ।
