वीरगंज, १३ माघ ।
किशोरी सशक्तीकरणको लागि किशोरी सम्बाद कार्र्यक्रम अन्तर्गतका एनिमेटरहरुको लागि वीरगंजमा संचालित तेस्रो मोडल तालिम आइतबार सम्पन्न भएको छ । बिहिबार देखी विजय ज्योति होटल वीरगंजमा सुरु भएको ४ दिने तालिम सम्पन्न भएको हो ।
तालिमका सहभागि एनिमेटरहरुलाई प्रशिक्षक भिम कुमार राई, पुर्जा बर्मा र प्रकाश पाण्डेले प्रशिक्षण दिएका थिए । युरोपियन युनियनको सहयोगमा संरक्षण नेपाल र चाइलड नेपालको सहकार्यमा नेपाल ग्रामिण पुर्ननिर्माण संस्था (आर.आर.एन) ले तालिमको आयोजना गरेको थियो ।
किशोरी सम्वाद कार्यक्रम व्यवस्थापक भानु पराजुलीको अध्यक्षतामा र बाराको फेटा गाउँपालिकाकी उपाध्यक्ष कमरुन खातुनको प्रमुख आतिथ्यतामा तालिमको समापन समाहरोह भएको थियो । तालिमकाे उद्घाटन बिहिबार वीरगंज महानगरपालिकाकी उप मेयर शान्ति कार्कीले गरेकी थिइन ।
तालिममा एनिमेटरहरुलाई समूह गठन, बचत, ऋण, आयआर्जन, ब्यवसाय सम्बन्धि अधारभुत जानकारी, स्थानिय स्तरमा गर्न सकिने ब्यवसाय लगायतको विषयहरुमा प्रशिक्षण दिईएको कार्यक्रमका सुपरभाइजर सुनेशवर साहले वताए ।
