दिपेन्द्र यादव/वीरगञ्ज, ०८ माघ ।
नेशनल युथ एसोसिएसन पर्साले सोमबार आमाको छात्रावास आश्रम वीरगंजलाई स्टेशनरी सामान सहयोग गरेको छ । आमाको छात्रावास अनाथालयमा बसोबास गरिरहेका करिब २५ जना बालबालिकालाई स्टेशनरी सामान सहयोग गरिएको युथ एसोसिएसन पर्साका उपाध्यक्ष नितेश वर्णवालले बताए ।
उनका अनुसार आमाबुबा विहिन भएका बालबालिकालाई पढाईमा सहयोग पुगोस् भन्ने उदेश्यले आवश्यक सामग्री सहयोग गरिएको हो । नेशनल युथ एसोसिएसन पर्साका अध्यक्ष अनमोल भट्टाचार्यको सभापतित्वमा सम्पन्न कार्यक्रममा वडा प्रहरी कार्यालय विर्ताका प्रहरी निरिक्षक निशान्त थापा, युथ एसोसिएसन उपाध्यक्ष नितेश वर्णवाल, उज्जवल बाँनिया, सन्दिप महतो, सुशिला पौडेल, गरिमा पाण्डे, सन्तोष नेपाल, अमरदिप विश्वकर्मा, सागर पोखरेल लगायतकाको उपस्थिती रहेको थियो ।
आस्था नेपाल पुर्नस्थापना केन्द्रको संयुक्त प्रयासमा गरिएको सहयोय कार्यक्रमको सञ्चालन गौरव वर्माले गरेका थिए । आगामी दिन समाजलाई फाईदा पुग्ने काममा आफु र आफ्नो संस्था निरन्तर अग्रसर रहने युथ एसोसिएसन पर्साका उपाध्यक्ष वर्णवालको भनाई छ ।
