काठमाडौं – संघीयता सफल पार्न केन्द्र, प्रदेश तथा स्थानीय तहका प्रतिनिधिहरुले एक आपसमा समन्वय गर्नुको विकल्प नरहेको परराष्ट्रमन्त्री प्रदीपकुमार ज्ञवालीले बताएका छन्। राजधानीमा आयोजित ” समानुभूतिपूर्ण सभ्यता” नामक पुस्तक विमोचन कार्यक्रममा बोल्दै मन्त्री ज्ञवालीले कर्मचारीहरुले पनि आफ्नो स्वार्थभन्दा राष्ट्रसेवालाई केन्द्रमा राखे मात्र देश सफल हुने बताएका छन् ।
समतामूलक समाज निमार्णको वकालत गर्ने विश्वचर्चित लेखक तथा प्रोफेसर रोबर्टसन वर्क द्वारा लिखित पुस्तकको नेपाली अनुवाद ‘समानुभूतिपूर्ण सभ्यता’ को परराष्ट्रमन्त्री प्रदीपकुमार ज्ञवालीले विमोचन कार्यक्रममा बोल्दै पुस्तकले नेपाली समाजमा सकारात्मक सन्देश र दिगो विकासको अवधारणा अघि बढ्ने बताए । ‘वर्तमान समयमा ६ वटा क्षेत्रमा वातावरणीय दिगोपन, लैंगिक समानता, आर्थिक तथा सामाजिक न्याय, सहभागितामूलक शासन र सांस्कृतिक सहिष्णुता र शान्ति तथा अहिंशा सहित प्रेरित गरिएको छ ।
जसले गर्दा यिनीहरुको व्यवस्थापनबाट समृद्धि नेपालको अभियानमा टेवा पुग्ने भएकाले यो पुस्तक नेपालीमा अनुवाद गरिएको हो,’ अनुवादक आइसिए नेपालका उपाध्यक्ष आत्माराम तिमिल्सनाले बताए। पुस्तकले वर्तमान समयमा मानवले सामना गर्नु परिरहेका चुनौतीहरुका बारेमा समीक्षा गर्नुका साथै ती चुनौतीका समाधानका बारेमा समेत मार्ग प्रशस्त गरेको तिमिल्सनाले बताए।
नेपाली राजनीति तथा बिकाशको क्षेत्रमा समेत सकारात्मक प्रभाव राख्न सक्ने भएकाले यो महान अभियान को निम्ति हाम्रो राज्नितीग्य तथा विकास कार्यकर्तालाई नया सोच र विवेकको आवस्यकता परिपूर्ति गर्ने उदेश्यले यो पुस्तक नेपालीमा अनुबाद गरिएको कुरा अनुवादक तिमिल्सिना बताउनुहुन्छ ।
सो कार्यक्रममा बोल्दै गाउँपालिका महासंघका अध्यक्ष होमनारायण श्रेष्ठले राज्य भर्खरै संघीयतामा प्रवेश गरेकाले जनप्रतिनिधिहरुले कानुन तथा कार्यप्रक्रियाको अनुभवहीनताका कारण कार्यप्रगति सन्तोषजनक हुन नसकेको बताए। ‘हामीले साचेअनुसार काम गर्न सकेका छैनौं,’ श्रेष्ठले बताए, ‘गाउँपालिका लगायतका स्थानीय निकायको कार्य प्रभावकारी बनाउनका लागि सम्बद्ध सबै निकाय लाग्नुपर्छ।’ कार्यक्रममा अन्य विभिन्न संघसंस्थाका प्रतिनिधि, राजनीतिक दलका प्रतिनिधि तथा समाजसेवी लगायतले पुस्तकबारे टिप्पणी गरेका थिए।
