पर्सा, १५ कात्तिक ।
पोखरिया नगरपालिकामा आज वृहत सरसफाई कार्यक्रम सम्पन्न भएको छ । हिन्दुहरुको महान पर्व दिपावली र छठ पुजाको अवसरमा नगरपालिकाको वडा नं. ९, सेमरबारी बर्वा, बैरिया र वडा नं. १० को बार्वामा सरसफाई गरिएको हो । वडाको सडक, मन्दिर, ब्रहमस्थान, विद्यालय र मर्दशा सरसफाई गरिएको आई.टि. अफिसर अरविन्द दुबेले वताए ।
- Advertisement -
पोखरिया नगर कार्यपालिका कार्यालय, पोखरियाको आयोजनामा भएको सरसफाई कार्यक्रममा मेयर दिपनारायण रौनियार, उप मेयर सलमा खातुन, वडा नं. ९ का वडा अध्यक्ष रामबाबु चौहान, वडा नं. १० का वडा अध्यक्ष सोनालाल साह, सामाजिक बिकास अधिकृत धर्मराज थापा लगायतकाको सहभागिता रहेको थियो ।
