पोखरिया, १० कात्तिक ।
कालिकामाई गाउँपालिकाको वडा नं. २, भेडिहारीमा रहेको श्री सुकई साह माध्यीमक विद्यालयलाई १० प्लस २ बनाउन दबाव दिन गठित संघर्ष समितिको बैठक आज सम्पन्न भएको छ । बैठकले थप आन्दोलनको कार्यक्रम तय गर्न कालिकामाई गाउँपालिकाको भेडिहारी, गदियानी, रबिदास, टिनडोबिया, हरिहरपुर, बलुवा र पकहा मैनपुर गाउँपालिकाको लहावरथकरी, सबैठवा, पोखरियाका ५÷५ जना अगुवाहरुलाई बोलाई छलफल गर्ने निर्णय गरेको छ ।
विद्यालयलाई १० प्लस २ को अनुमतीको लागि गाउँ कार्यपालिकालाई दबाव दिन कात्तिक १६ गते शुक्रबार विद्यालयमा अध्यययनरत विद्यार्थीहरुको सबन्धीत गाउँको अगुवाहरुलाई बोलाई बृहत बैठक बसी छलफल गर्ने निर्णय भएको संघर्ष समितिले जनाएको छ । सबैठवाको अगुवाहरुलाई बोलाउन राधाकिशुन प्रसाद चौरसियालाई, रबिदास, टिनडोबिया, हरिहरपुर र बुलवाको ताजिन्द्र साहलाई, पोखरिया र गदियानीको गरिब राउत गद्दीलाई, बिरन्चीबर्वाको माओ कुशवाहालाई, भेडिहारी र गदियानीको सुबाष कुशवाहालाई बोलाउनलाई जिम्मेवारी समेत बैठले दिएको संघर्ष समितिका जमुना चौरसियाले वताए ।
एक महिना भित्र पनि गाउँ कार्यपालिकाले विद्यालयलाई १० प्लस २ संचालनको अनुमति दिएन भने कात्तिक १६ गते बस्ने बैठकले गाउँ कार्यपालिकाको कार्यालय अगाडी धर्ना, अनशन बस्ने जस्ता कडा भन्दा कडा आन्दोलनको कार्यक्रम तय गर्ने संघर्ष समितिका छठु साहले वताए ।
