Date
सोम, कार्तिक ३०, २०८३
Mon, November 16, 2026
Home Blog Page 1209

तलबको मांग गर्दै कालिकामाईका शिक्षकहरु द्वारा गाउँ कार्यपालिकाको कार्यालय घेराउ

0

पर्सा, २२ असोज ।
तलब नपाएका शिक्षकहरु कालिकामाई गाउँ कार्यपालिकाको कार्यालय आज घेराउ गरेका छन । गाउँपालिकाका अन्तर्गतका सामुदायिक विद्यालयका शिक्षकहरुले तलब भताको माग गर्दै गाउँ कार्यपालिकाको कार्यालय मुडली घेराउ गरेका हुन ।

दशैं नजिकदै जादा पनि २०७५ साउन महिना देखी हाल सम्मका तलब नपाएका शिक्षकहरु आन्दोलित भएका हुन । बिगत केही दिन देखी पटक पटक गाउँपालिकाका अध्यक्ष र प्रमुख प्रशासकिय अधिकृतलाई मौखिक तथा लिखित रुपमा तलब भताको माग गर्दै आएका शिक्षकहरु तलब नपाए पछि गाउँपालिकाका कार्यालय घेराउ गरेका हुन ।

यस अघि गाउँपालिका अन्तर्गतका १० वटा सामुदायिक बिधालयका सम्मपुर्ण प्रध्यनाध्यापकहरुले गाउँपालिका अध्यक्ष नथुनी प्रसाद कुश्वाहालाई तलब भताको मांग गर्दै ज्ञापन पत्र बुझाएका थिए ।

अध्यक्ष कुश्वाहाले असोज २१ गते, आइतबार सम्म तलबभता पठाउने वताए पनि तलब नपाएका कारण गाउँ कार्यपालिकाको कार्यालय घेराउ गरिएको प्रध्यानाध्यापक आबास मियाँले बताए ।

आन्दोलित शिक्षकहरु संग प्रमुख प्रशासकिय अधिकृत देवनाथ साहले असोज २५ गते सम्म तलब भता बिधालयको खातामा गई हाल्ने आश्वासन दिए पछि शिक्षकहरु हालको लागि आन्दोलन स्थगित गरेका छन । २५ गते सम्म पनि विद्यालयको खातामा तलब गएन भने फेरी २६ गते देखी कडा आन्दोलन गर्ने चेतावनी शिक्षकहरुले दिएका छन ।

पकाहा मैनपुर गाउँपालिका को वडा नं ५ ,गदीयानी पोखरीयामा बुढेसकालमा मित्रको साथ छाडेन । तस्विर ः प्रणय साह

0
पकाहा मैनपुर गाउँपालिका को वडा नं ५ ,गदीयानी पोखरीयामा बुढेसकालमा मित्रको साथ छाडेन । तस्विर ः प्रणय साह

२ महिला सहित १ सय ४ जनाले गरे रक्तदान

1

वीरगंज, २२ असोज ।
विर्तामाई संरक्षण समिति, वीरगंज र सामुदायिक सेवा केन्द्र तथा सामुदायिक प्रहरी सेवा  विर्ताले  आज संयुक्त रुपमा  आयोजना गरेको रक्तदान कार्यक्रममा २ महिला सहित १ सय ४ जनाले रक्तदान गरेका छन ।

सानो पाइला द्वारा वीरगंजमा सञ्चालनमा रहेको सानो घरको डाएन बरोज सानो घरले नामाकरण

0

वीरगंज, २२ असोज ।

सानो पाइला द्वारा वीरगंजमा सञ्चालनमा रहेको सानो घरको डाएन बरोज सानो घरले नामाकरण गरिएको छ ।

वीरगंज महानगरपालिका विर्ता स्थित रहेको सानोघरको उपमेयर शान्ति कार्की, वडा नं. ५ का वडा अध्यक्ष प्रदिप चौरसिया र वियोन्ड द ओरफान्ज फाउण्डेशनका सिईओ गियोफ हुकर लगायतले संयुक्त रुपमा नामाकरण गरेका हुन् ।

घरवार विहिन रहेका बालबालिकाहरुलाई सानो पाईलाले अस्ट्रेलियाको वियोन्ड द ओरफान्ज फाउण्डेशनको सहयोगमा सञ्चालित सानो घरलाई फाउण्डेशनका सदस्य स्वर्गिय डाएन बरोजको सम्झनामा नामाकरण गरिएको सानो पाइलाका जय साहले वताए  ।

सोना पाईलाका अध्यक्ष सुदिप लामाको सभापतित्वमा समपन्न कार्यक्रममा  वियोन्ड द ओरफान्ज फाउण्डेशन अस्ट्रेलियाका रे क्रिक,  केररी,  जोन यस्तै अमेरिकाका क्याथरेनी, रिचेल, सानो पाइलाका सिईओ कञ्चन झा,  सचिव सुष्मा तिवारी  लगायतको उपस्थिति रहेको थियो ।

हाल डाएन बरोज सानो घरमा १२ जना बालबालिकाहरु रहेका छन्  ।

नेकपा सचिवालय बैठक : स्थाायी समिति बैठक बोलाउने निर्णय

1

काठमाडौं , २२ असोज ।

नेपाल कम्युनिस्ट पार्टी (नेकपा)ले स्थाायी समिति बैठक बोलाउने निर्णय गरेको छ ।

सोमबार बिहान बसेको सचिवालय बैठकले स्थायी कमिटी बैठक बोलाउने निर्णय गरेको हो । तर, बैठकको मिति भने तय भएको छैन ।

स्थायी कमिटी बैठकका एजेन्डा तय गर्नका लागि आगामी बुधार पनः सचिवालय बैठक बस्ने नेकपाले जनाएको छ ।

सोमबारको सचिवालय बैठकमा अध्यक्षद्वय केपी शर्मा ओली, प्रचण्ड र प्रवक्ता नारायणकाजी श्रेष्ठले आफ्नो भ्रमणका बारेमा जानकारी समेत गराएका थिए ।

म देश विखन्डनको पक्षमा छैन तर…..

2

म देश विखन्डनको पक्षमा छैन तर कसैले बिचार ब्यक्त गरेको आधारमा दमन, हत्या र अत्याचार गरेर राष्ट्रीय अखन्डता जोगाउन सकिन्छ भन्ने पक्षमा पनि छैन ।

नेपाल सरकारले डा. सि के राउत र उहाँका समर्थकहरुलाई हत्या, दमन, यातना दिएर यदि शान्ती कायम गर्न चाहन्छ भने त्यो उसको महाभूल हो ।

अाज १ जना सिके राउतलाई मार्छ भने भोलि हजारौ, लाखौं सिके राउत नेपालमा जन्मिन्छन, जसलाई नियन्त्रण गर्न असम्भव हुनेछ, त्यसकारण शान्ती कायम गर्न शान्तिपुर्ण समाधान नै चाहिन्छ, हिंसात्मक समाधान खोज्नु देशलाई भयंकर द्वन्दको आगोमा धकेल्नु हो ।

बरु त्यसको साटो मधेस मुद्दा सम्बोधन गरियो र प्रचलित विभेद हटाइयो भने मात्र स्थायी समाधान निस्कन सक्छ । नत्र “जबतक शोसित इन्सान रहेगा, धरती पर तूफान रहेगा ।”

कन्हैया चौरसिया
 बिरगंज, पर्सा
नेशनल ल क्लेज, काठमाडौं
(बि.ए.एलएल.बि 4th सेमेस्तर)

डाक्टर सिके राउत रौतहटको गाैरबाट फेरी पक्राउ

0

राैतहट, २१ असाेज ।

देश टुक्र्याउने अभिव्यक्ति दिएर भूमिगत भएका डाक्टर सिके राउतलाई प्रहरीले रौतहटको सदरमुकाम गौरबाट पक्राउ गरेको छ ।

अदालतको तारेखमा आएका राउतले अदातलबाट निस्केपछि देश टुक्र्याउने अभिव्यक्ति दिँदै नारा लगाएर हिँडेपछि उनलाई पक्राउ गरिएको प्रहरीले जनाएको छ ।

उनीसँगै अन्य दुईजना पनि पक्राउ परेका छन् । उनका सहयोगी रामेश्वर राय यादव र सञ्जय स्वराजलाई पनि पक्राउ गरिएको प्रहरीले जनाएको छ । विभिन्न आवाञ्च्छित गतिविधि गर्दै नाराबाजी गरेर अदालतबाट निस्केका राउतलाई प्रहरीले पक्राउ गरेको हो ।

उनीविरुद्ध अदालतमा मुद्धा परेकाले उनी त्यही मुद्धाको तारेखमा अदालतमा उपस्थित भएका थिए । उनलाई देश द्रोहको मुद्धा चलाउने तयारी भैरहेको जिल्ला प्रहरी कार्यलय रौतहटका डीएसपी  महेन्द्रप्रसाद मरासयनीले जानकारी दिए ।

राउतलाई छुटाउन उनका समर्थक जिल्ला प्रहरी कार्यालय अगाडि धर्ना समेत दिएका थिए । राउत केही दिनअघि स्वतन्त्र मधेशको नारा दिँदै प्रहरी अगाडि नै भाषण गरेर भूमिगत भएका थिए ।

गएको असोज ३ गते प्रशासनलाई चुनौती दिँदै सिके राउत नेतृत्वको स्वतन्त्र मधेस गठबन्धनले जनकपुरमा  संविधान दिवस विरोधी कार्यक्रम गरेका थिए ।

स्वतन्त्र मधेसको अभियानमा लागेका डाक्टर सिके राउत नेतृत्वको मधेस गठबन्धको पूर्व घोषित कार्यक्रमलाई असफल पार्न प्रहरीले दुई दिन अघिदेखि नै कार्यकर्तालाई धडपकड सुरु गरेको थियो ।

कडा सुरक्षाका बाबजूद मधेस गठबन्धनका सयौँ कार्यकर्ताले  जनकपुरमा प्रदर्शन गरेका थिए भने प्रहरीको विशेष खोजी सूचीमा रहेका गठबन्धका संयोजक सिके राउत रामानन्दचोकमा प्रहरी प्रशासनकै अगाडि कोणसभालाई झण्डै २० मिनेट सम्बोधन गरेर पुनः भूमिगत भएका थिए ।

राउतको त्यो अभिव्यक्ति असामान्य भएको र सरकारले राउतलार्इ पक्राउ नगरेको भन्दै सरकारको आलोचना भएको थियो । प्रहरीले पक्राउ गरेको राउतकाे साथमा उनकाे ४ वर्षिय छोरी पनि रहेको बताईएको छ ।

गैससहरुको स्थान, भुमिका र चुनौति विषयक प्रदेश स्तरिय छलफल कार्यक्रम जनकपुरमा सम्पन्न

1

जनकपुर, २१ असोज ।
गैससहरुको स्थान, भुमिका र चुनौतिहरुमा प्रदेश स्तरिय छलफल कार्यक्रम आज जनकपुरमा सम्पन्न भएको छ ।  नागरिक संस्थाहरुको सवल वातावरण निर्माणको लागि छलफल गर्न जनकपुरको होटल सिटी स्टारमा भएको कार्यक्रम सम्पन्न भएको हो ।

गैसस महासंघ नेपाल प्रेश नं. २ का अध्यक्ष धिरेन्द्र सिंहको अध्यक्षतामा भएको कार्यक्रममा नेपाल आदिवासी जनजाती महासंघ प्रदेश नं. २ का अध्यक्ष मनोज सुनुवार, अपाङ्ग महासंघ प्रदेश नं. २ का अध्यक्ष किरण पासवान, नेपाल पत्रकार महासंघ प्रदेश नं. २ का महासचिव किरण कर्ण लगायत महासंघका प्रदेश पदाधिकारी, जिल्ला अध्यक्षहरुको सहभागिता रहेको थियो ।

कार्यक्रममा प्रदेश समाजिक विकास ऐन २०७५ बारे गैसस महासंघ नेपालका केन्द्रिय सदस्य एवं प्रदेश नं. २ का इन्चार्ज रामचन्द्र साहले प्रस्तुती गरेका थिए । गैर सरकारी संस्था महासंघ नेपाल प्रदेश नं. २, जनकपुरधामले आयोजना गरेको कार्यक्रममा स्वागत मन्तव्य महासंघका प्रदेश उपाध्यक्ष नागेन्द्र दुवेले गरेका थिए ।

नेवि संघ ठा.रा.ब. द्वारा दशैं, दिपावली तथा छठ पर्वको सुभकामना आदानप्रदान

0

वीरगंज, २१ असोज ।
नेवि संघ ठा.रा.ब. एकाई समिति वीरगंजको आयोजनामा आज वडा दशैं, दिपावली तथा छठ पर्वको सुभकामना आदानप्रदान तथा चियापान कार्यक्रम सम्पन्न भएको छ ।

ठाकुर राम क्याम्पसमा भएको कार्यक्रममा हिन्दुहरुको महान चाड वडा दशैं, शुभ दिपावली नेपाल सम्बत ११३९ र छठ पर्वको सुभकामना अदानप्रदान गरिएको थियो ।

ठा.रा.ब. एकाई समितिका अध्यक्ष मनोज साहको अध्यक्षतामा र नेपाली कांग्रेसका नेता जनार्धन सिंह क्षेत्रीको प्रमुख आतिथ्यतामा भएको कार्यक्रममा वीरगंज महानगरपालिकाकी उप मेयर शान्ति कार्की, नेता श्याम पटेल, रामरुप कुर्मी, रामनारायण कुर्मी, इमतियाज आलम, विजय सराफ, बैकुण्ठ श्रीवास्तव, ललन द्विवेदी, दिलिप राज कार्की, बद्री तिवारी, राकेश यादव, जिवनसापकोटा, वडा अध्यक्ष रामनगिना साह कानु लगायतको सहभागिता रहेको थियो ।