वीरगंज । जनता समाजवादी पार्टी (जसपा), नेपालका केन्द्रीय उपाध्यक्ष एवं मधेस प्रदेशका पूर्वमुख्यमन्त्री जितेन्द्र सोनलले ‘मधेस आन्दोलन एवं नेतृत्व अभिवृद्धि’ विषयमा प्रशिक्षण दिएका छन्।
समाजवादी विद्यार्थी युनियन, नेपालको केन्द्रीय कार्यालय बालकुमारी, ललितपुरमा आयोजित प्रशिक्षण कार्यक्रममा सोनलले सहभागी विद्यार्थीलाई मधेस आन्दोलनको पृष्ठभूमि, यसको उद्देश्य तथा नेतृत्व विकासका विषयमा प्रशिक्षण दिएका हुन्।
प्रशिक्षणका क्रममा उनले विद्यार्थीको राजनीतिक चेतना, नेतृत्व क्षमता र संगठनात्मक भूमिकाका विषयमा समेत धारणा राखेको आयोजकले जनाएको छ।
कार्यक्रम समाजवादी विद्यार्थी युनियन, नेपालको आयोजनामा सञ्चालन भइरहेको प्रशिक्षण शृङ्खलाअन्तर्गत दोस्रो दिन आयोजना गरिएको हो। कार्यक्रममा विद्यार्थी नेताहरू तथा सहभागीहरूको उपस्थिति रहेको थियो।
