वीरगंज । पर्सा जिल्लाको वीरगंज निवासी नाबालिग बालिका सिद्धि मिश्रा गत वैशाख १६ गते (२९ अप्रिल २०२६) देखि रहस्यमय परिस्थितिमा बेपत्ता भएकी छन् ।
परिवारका सदस्यहरूले उनको खोजीका लागि विभिन्न स्थानमा व्यापक खोजतलास तथा प्रयास गरे पनि हालसम्म कुनै जानकारी प्राप्त हुन सकेको छैन । बालिकाको अवस्था र अवस्थिति अज्ञात रहेकाले परिवार चिन्तित तथा व्याकुल बनेको छ ।
घटनालाई गम्भीर रूपमा लिँदै भारतका प्रहरी निरीक्षक (इन्स्पेक्टर) मनोज कुमार शर्माले सिद्धि मिश्राको सुरक्षित उद्धार गर्न सहयोग पुर्याउने वा उनको अवस्थिति सम्बन्धी विश्वसनीय सूचना उपलब्ध गराउने व्यक्तिलाई १ लाख रुपैयाँ (भारु) पुरस्कार प्रदान गरिने घोषणा गरेका छन् ।
उनले सर्वसाधारणलाई बालिकासम्बन्धी कुनै जानकारी प्राप्त भएमा वा कतै देखिएमा तत्काल सम्पर्क गर्न आग्रह गरेका छन् ।
सम्पर्क:
इन्स्पेक्टर मनोज कुमार शर्मा
मोबाइल/ह्वाट्सएप : +९१–८८५३७०३७६१
साथै, बालिकाको सकुशल खोजी तथा उद्धारमा सहयोग पुग्ने विश्वासका साथ उक्त सूचना बढीभन्दा बढी व्यक्तिसम्म पुर्याउन समेत अनुरोध गरिएको छ ।
