वीरगंज । ताजपुरका विभिन्न चौक–चौतारीमा घण्टी चिन्ह बनाएर रास्वपा पर्सा–१ का उम्मेदवार हरि पन्तलाई स्थानीयले स्वागत गरेका छन्। आज घरदैलो तथा मतदाता भेटघाटका लागि ताजपुर पुगेका पन्तलाई स्थानीयहरूले विभिन्न रंगको प्रयोग गरेर घण्टी चिन्ह बनाइ स्वागत गरेका थिए।
- Advertisement -
भेटघाटको क्रममा मतदाताहरूले मुलुकमा परिवर्तन निश्चित भएको बताउँदै राष्ट्रिय स्वतन्त्र पार्टी र घण्टी चिन्ह नै मुलुकको परिवर्तनको प्रतीक भएकोले यसपाली उनीहरूको पक्षमा मतदान गर्ने प्रतिबद्धता जनाएका थिए।
त्यसक्रममा पन्तले रास्वपाको जित समग्र मुलुकको जित भएको भन्दै सबै मतदातालाई राष्ट्रिय स्वतन्त्र पार्टी र आफूलाई जिताउन आग्रह गरेका थिए।
घरदैलो कार्यक्रममा स्थानीयहरूले उत्साहजनक उपस्थिति देखाएका थिए, जसले उम्मेदवारको लोकप्रियता र जनसंपर्क कार्यक्रमको सफलता स्पष्ट पारेको छ।
