सेढवा । पर्साको जिराभवानी गाउँपालिका–१, बलुवामा सशस्त्र प्रहरीले ठूलो मात्रामा अवैध किप्याड मोबाइल सेट बरामद गरेको छ।
- Advertisement -
भन्सार छली गरी भारतबाट भित्र्याउँदै ल्याइएका ‘लाभा’ ब्रान्डका मोबाइलहरू स्थानीय धानबारीमा लुकाइराखिएको अवस्थामा फेला परेको सशस्त्र प्रहरीले जनाएको छ।
सशस्त्र प्रहरी बोर्डर आउट पोस्ट महादेवपट्टिबाट निरीक्षक हरि चन्द्र खड्काको नेतृत्वमा गएको गस्ती टोलीले ४५० थान किप्याड मोबाइल बरामद गरेको हो।
सशस्त्र प्रहरी बल १३ नम्बर गणका उपरीक्षक पुरन चन्द्र भट्टका अनुसार बरामद मोबाइलको मूल्य करिब ९ लाख रुपैयाँ बराबर पर्ने अनुमान गरिएको छ।
बरामद गरिएका सबै मोबाइल आवश्यक कानुनी प्रक्रिया पूरा गरी वीरगञ्ज भन्सार कार्यालय पठाइएको भट्टले जानकारी दिए।
