काठमाडौँ । नवनियुक्त प्रधानमन्त्री सुशीला कार्की र भारतीय प्रधानमन्त्री नरेन्द्र मोदीबीच बिहिबार टेलिफोन वार्ता भएको छ ।
- Advertisement -
वार्ताका क्रममा प्रधानमन्त्री कार्कीले भारतीय प्रधानमन्त्री मोदीलाई उहाँको ७५औँ जन्मदिनको शुभकामना दिँदै नेपाल–भारतबीचको सदियौँ पुरानो मैत्रीपूर्ण सम्बन्धको स्मरण गरिन् । साथै, उहाँले नेपालको पछिल्लो राजनीतिक घटनाक्रमलगायतका विषयमा जानकारी गराइन् ।
यसैगरी भारतीय प्रधानमन्त्री मोदीले नेपालकी नवनियुक्त प्रधानमन्त्री कार्कीलाई बधाई दिँदै आगामी दिनमा पनि भारतले नेपाललाई निरन्तर सहयोग गर्ने प्रतिबद्धता जनाए ।
छिमेकी दुई देशका सरकार प्रमुखबीच भएको वार्तामा नेपाल–भारत सम्बन्ध, द्विपक्षीय हित र साझा चासोका विविध विषयमा कुराकानी भएको परराष्ट्र मन्त्रालयले जनाएको छ ।
