काठमाडौं । नवनियुक्त अन्तरिम सरकारकी प्रधानमन्त्री सुशिला कार्कीले आइतबार (भोली) मात्रै पदभार ग्रहण गर्ने भएकी छन् ।
प्रधानमन्त्री तथा मन्त्रिपरिषद्को कार्यालय स्रोतका अनुसार शुक्रबार चाँडै सपथग्रहणको कार्यक्रम सम्पन्न भए पनि गृह मन्त्रालयको नयाँ भवनमा प्रधानमन्त्री कार्यालय सञ्चालन गर्ने तयारी ढिला भएपछि शुक्रबार पदभार ग्रहण हुन सकेको थिएन ।
सपथग्रहणपछि प्रधानमन्त्री कार्की शुक्रबार राति आफ्नै निजी निवासमा गएकी थिइन् । जेनजी आन्दोलनकारीले सरकारी निवास बालुवाटारमा क्षति पुर्याएका कारण उनी त्यहाँ नगई निजी निवासमै बसिरहेकी हुन् ।
प्रधानमन्त्री कार्यालयका उच्च स्रोतका अनुसार सरकारी निवासको व्यवस्थापन पूरा नहुन्जेलसम्म प्रधानमन्त्री कार्की आफ्नै निजी निवासबाटै सरकार सञ्चालन गर्नेछिन् ।
