वीरगंज । फस्ट इन्डो नेपाल ताइक्वान्दो ओपन च्याम्पियनशीप्स २०२५ मा बिपिएस प्लस २ का दुई विद्यार्थीले स्वर्णपदक हात पारेका छन् ।
बिपिएस प्लस २ को कक्षा ११ मा अध्यनरत सुजित कुमार यादव र रोहन पटेलले उत्कृष्ट प्रदर्शन गर्दै स्वर्णपदक हात पारेका हुन । खेल सकेर फर्किएका विद्यार्थीहरुलाई कलेजले एक कार्यक्रम आयोजना गरि खादा, टिका र पुरस्कार प्रदान गरि सम्मान गरेको छ ।
कोशी प्रदेश ताइक्वान्दो संघले झापाको काँकडभित्ता टाउन हलमा आयोजना गरेको दुई दिने प्रतियोगितामा ५५ किलोमा यादव र ७४ किलोमा पटेल प्रथम हुँदै स्वर्ण जितेको कलेजका एचआर निर्देशक संदिप कुशवाहाले जानकारी दिए ।
कलेजका शैक्षिक निर्देशक दिपक पटेलले बाटो जति कठिन हुन्छ, सफलता पनि त्यती नै उच्च हुने बताउँदै बिद्यार्थीहरुमा रहेको प्रतिभा समयमै पहिचान भयो भने भविष्यमा अगाडि बढ्न सजिलो हुने जिकिर गरे । उनलेे बिद्यार्थीलाई सम्मानित गर्दै यस कलेजमा अध्यनरत बिद्यार्थीले पदक जित्दै कलेजलाई गौरवान्वित बनाएको बताए ।
नेपाल र भारतका २२ क्लबबाट ६ सयभन्दा बढी खेलाडीहरूको सहभागिता रहेको प्रतियोगितामा वीरगंजले ५ स्वर्ण, ४ सिल्भर र ११ कास्य पदक जितेको छ ।
