वीरगंज । वीरगंज महानगरपालिकाकाे वडा नं १६ नगवास्थित फुलवारी टोलमा दुर्गा पूजा समिति गठन भएको छ । उक्त टाेलमा भएकाे एक भेलाले परमेश्वर कुमार झाकाे अध्यक्षतामा सर्वसहमत दुर्गा पुजा समिति गठन गरेकाे हाे ।
नवगठित समितिको सदस्यमा सन्दिप शर्मा, विनय जैसवाल, सन्तोष चौरसिया, उज्वल पटेल, देवेन्द्र चौरसिया लगायत ४७ जना रहेका छन् ।
झाले गत वर्षदेखि उक्त स्थानमा लाग्ने दुर्गा पूजा समितिको अध्यक्ष पदको भुमिका निर्वाह गर्दै आएका छन् । फुलवारी टोलमा गत वर्षदेखि दुर्गा पूजा हुँदै आईरहेको नवगठित पूजा समितिका अध्यक्ष झाले जानकारी दिए ।
दुर्गा पूजामा वीरगंज महानगरपालिका वडा नं १६ का वडाध्यक्ष परशुराम चौरसिया, स्थानीय लगायत विभिन्न स्थानका भक्तजनहरुको साथ सहयोग रहने गरेको अध्यक्ष झाले बताए ।
