वीरगंज । नारायणी वाड्मय प्रतिष्ठान वीरगंजकाे आयाेजनामा शनिबार पुस्तक परिचर्चा कार्यक्रम सम्पन्न भएकाे छ । विनयराज गाैतमले लेखेका मृत्युकाे छहारीमा र गाेपाल अश्कले लेखेका कालाे गुलाफकाे पुस्तककाे परिचर्चा कार्यक्रम सम्पन्न भएकाे हाे ।
वीरगंजस्थित सिद्धार्थ इन्टरनेशनल कलेजकाे सभाहलमा भएकाे कार्यक्रममा वक्ताहरुले दुबै पुस्तककाे बारेमा चर्चा गरेका थिए ।
प्रतिष्ठानका अध्यक्ष विश्वम्भर कुमार शर्माकाे सभापतित्वमा भएकाे कार्यक्रममा भाषा आयाेगमा सदस्य एवम् कालाे गुलाफ पुस्तकका लेखक गाेपाल अश्क, मृत्युकाे छहारीमा पुस्तकका लेखक विनयराज गाैतम, प्रतिष्ठानका सचिव महेशचन्द्र गाैतम, प्रध्यापक उमा मिश्र, राम प्रसाद पाण्डे, विजय किशाेर पाण्डे, रविन्द्र मिश्र, सचितानन्द सिंह लगायतकाे उपस्थिती रहेकाे थियाे ।
