वीरगंज । पर्साकाे सखुवा प्रसाैनी गाउँपालिका वडा नं. ४ देउरबानामा शु्क्रबार गर्भवतीहरुको लागि अल्ट्रासाउन्ड शिबिर सम्पन्न भएकाे छ ।
गाउँपालिकाको सहयोगमा भएकाे शिविरमा वडा अन्तर्गतका २७ जना गर्भवती महिलाहरुले अल्ट्रासाउन्ड गराएकाे गाउँपालिका स्वास्थ्य संयाेजक राजेश राैनिरारले जानकारी दिए ।
शिविरकाे उद्घाटन गाउँपालिका अध्यक्ष प्रदिप जयसवालले गरेका थिए । साे अवसरमा वाेल्दै अध्यक्ष जयसवाले शिविरले अल्ट्रासाउन्डकाे लागि वीरगंज धाउनु पर्ने बाध्यता अन्त्य हुने वताए ।
स्वास्थ्य चाैकीमा भएकाे शिविरमा गर्भवती महिलाहरुकाे स्वास्थ्य परिक्षण समेत गरिएकाे थियाे । शिविरमा रेडियाेलाेजिस्ट डा. प्रदिप कुमार साहले अल्ट्रासाउन्ड र डा. प्रिती भट्टराईले स्वास्थ्य परिक्षण गरेका थिए ।
साेही अवसरमा गर्भवतीहरुलाई बहुक्षेत्रिय कार्यक्रम अन्तर्गत हाइजेनिक किट समेत वितरण गरिएकाे संयाेजक राैनियारले जानकारी दिए । सेनेटरी प्याड, साबुन, तुथ पेष्ट, ब्रस, नेल कटरकाे लगायतकाे सामग्री भएकाे किट वितरण गरिएकाे उनले जानकारी गराए ।
