वीरगन्ज । नारायणी अस्थायी कोरोना बिशेष अस्पताल गण्डकमा उपचाररत एक कोरोना संक्रमित गर्भवतीले छोरीलाई जन्म दिएकी छन् ।
वीरगन्ज महानगरपालिका–१ छप्कैयानिवासी ३१ वर्षीया महिलाले शुक्रबार बिहान ४ बजेर १० मिनेटमा छोरी जन्माएकी अस्पतालका संयाेजक डा. उदय नारायण सिंहले वताए ।
‘आमा र बच्चा’ दुवैको स्वास्थ्य समान्य रहेकाे उनले जानकारी गराए ।
डा. सिंहका अनुसार ती महिला सुरुमा नारायणी अस्पताल पुगेकी थिइन् । त्यहाँबाट नेसनल मेडिकल कलेज तथा शिक्षण अस्पताल रेफर गरिएको थियो ।
‘कोरोनाको शंका लागेर बिहीबार मेडिकल कलेजले कोरोना अस्पताल पठायो,’ उनले भने, ‘बिहीबार राति नै गर्भवती महिलाको पीसीआर रिपोर्टमा कोरोना पोजेटिभ आएको थियो ।’
प्रतिक्रिया लेख्नुहोस