वीरगंज । संवाद संहजिकरणकाे लागि तेस्राे माेडेल ५ दिने एनिमेटर तालिम आज सम्पन्न भएकाे छ । नेपाल ग्रामिण पुनर्निमाण संस्था (आर.आर.एन.) काे आयाेजनामा हाेटल विजया ज्याेती वीरगंजमा भएकाे तालिम सम्पन्न भएकाे हाे ।
तालिमकाे समापन गर्दै बाराकाे परवानीपुर गाउँपालिका अध्यक्ष हरिनारायण प्रसाद साहले पहिलाे प्राथमिकता जिविकाेपार्जन हुनु पर्ने वताए । कार्यक्रमकाे प्रमुख अतिथी समेत रहेकाे अध्यक्ष साहले हामीले कृषीलाई प्राथमिकतामा राखेर अगाडी बढ्नु पर्ने धारण राखे ।
कतिपय मानिसकाे छाेरीलाई सामुदायिक र छाेरालाई निजी विद्यालयमा पढाउन रहर नभएर बाध्यता भएकाे उनकाे भनाई थियाे ।
हाम्राे समाजमा काम गर्न चुनाैति रहेकाे वताउदै उनले आत्म विश्वासकाे साथ अगाडी बढ्न तालिमका सहभागिहरुलाई सुझाव दिए । राम्राे कामकाे विराेध भए पनि पछि समर्थन पनि हुने गरेकाेले काम गर्ने समयमा नआत्न साहकाे आग्रह थियाे ।
कार्यक्रम व्यवस्थापक भानु पराजुलीकाे अध्यक्षतामा भएकाे कार्यक्रममा चाइल्ड नेपालका अध्यक्ष कृष्ण सुवेदी, आयाेजक संस्थाका वित्त अधिकृत रविन भण्डारी, बरिष्ठ संवाद अधिकृत युवराज कार्की लगायतकाे सहभागिता रहेकाे थियाे ।
चाइल्ड नेपाल र संरक्षण नेपालकाे सहकार्यमा भएकाे तालिममा भिम कुमार राई, प्रकाश पाण्डे, उमा राय माझी र सुनेश्वर साहले प्रशिक्षण दिएका थिए ।
किशाेरी सशक्तिकरणकाे लागि किशाेरी संवाद कार्यक्रम अन्तर्गत भएकाे तालिमका सहभागिहरुलाई तालिम प्रमाण पत्र र संवाद संचालन निर्देशिका भाग ३ समेत वितरण गरिएकाे थियाे ।