वीरगंज । जिल्ला आयूर्वेद स्वास्थ्य केन्द्र वीरगंजद्वारा आयाेजित ३ दिने योग शिविर आज सम्पन्न भएकाे छ । “राष्ट्रिय एकता : योगको सान्दर्भिक्ता” मुल नाराका साथ स्वास्थ केन्द्र वीरगंजमा भएकाे शिविर सम्पन्न भएकाे हाे ।
नेपाल आयूर्वेद स्वास्थकर्मी समाज पर्साको सहकार्यमा पौष २८ गते देखि सुरु भएको ३ दिने योग शिवीर सम्पन्न भएकाे स्वास्थ्य केन्द्र वीरगंजका प्रशासन प्रमुख तथा वरिष्ठ कबिराज निरिक्षक नागेन्द्र पटेलले वताए ।
पर्साका निमित प्रमुख जिल्ला अधिकारी ललित कुमार बस्नेतकाे प्रमुख आतिथ्यतामा भएकाे शविरमा उप-अनुसन्धान निर्देशक कुमार खड्का, बारा जिल्लाका आयूर्वेद प्रमुख डा. शिवशंकर राय, पर्साका डाक्टर रमेश मिश्रा लगायत कार्यालयमा कर्यरत कर्मचारी, पतंजली पर्साका पदाधिकारी, व्यापारी लगायत सर्वसाधारणको सहभागिता रहेको थियाे ।
शिविरमा भारतिय राजदुतावास वीरगंजका योग गुरु श्री पार्थ सारथी, कृष्ण ज्यूले याेग प्रशिक्षण दिएका थिए भने सहयोगीमा धिरेन्द्र कुमार सिंह रहेका थिए ।
शिविर स्थल मै स्वास्थ्य केन्द्र वीरगंजकाे आयाेजनामा रक्तदान कार्यक्रम समेत भएकाे थियाे । साे कार्यक्रममा ९ जना पुरुषले रक्तदान गरेकाे रक्त संचार केन्द्र वीरगंजका प्रमुख साैरभ राज पाण्डले वताए । रक्त संचार केन्द्रकी डिली माया श्रेष्ठ नेतृत्वकाे टाेलीकाे प्राविधिक सहयाेग रक्तदान कार्यक्रम भएकाे थियाे ।