वीरगंज । वीरगंज-कलैया सडकखण्ड अन्तर्गत बाराको परवनिपुर गाउँ पलिक वडा नं. ५ श्री रामा जानकी मन्दिर सडकमा बसको ठक्करबाट एकजनाको मृत्यु भएको छ । मृत्यु हुनेमा पैदल यात्रु स्थानिय १९ वर्षिय दिपेश साह रहेका छन् ।
वीरगंजबाट घर फर्कने क्रममा कलैया तर्फ जाँदै गरेको ना ४ ख ३७५६ नम्बरको बसले बेलुका ५ बजे ठक्कर दिए पछी घटना स्थलमै मृत्यु भएको थियो । घटना लगत्तै स्थानीयले केही समयको लागि सडक अवरुद्ध समेत गरेका थिए ।
जिल्ला प्रहरी कर्यालय बाराले बसबकाे ठक्करबाट साहको घटनास्थलमा नै मृत्यु भएको जनाएको छ । ठक्कर दिने बस चालक फरार रहेको र बस प्रहरीको नियन्त्रणमा रहेको जिल्ला प्रहरी कार्यालय बाराका प्रवक्ता प्रहरी नायव उपरीक्षक रञ्जितसिंह राठौरले जानकारी दिए ।
