वीरगंज : किशोरीहरूको ब्यक्तिगत सरसफाइ तथा महिनवारी ब्यवस्थापन सम्बन्धि एक दिने अभिमुखिकरण कार्यक्रम सम्पन्न भएको छ ।
युरोपियन युनियनको आर्थिक सहयोग र नेपाल ग्रामिण पुनर्निर्माण संस्थाको आयोजनामा वीरगन्ज महानगरपालिकाको वडा नं. ३० लालपर्सामा आयोजित कार्यक्रम सम्पन्न भएको हो ।
सृजना किशोरी संवाद संजालका अध्यक्ष प्रिति कुमारी यादवको अध्यक्षतामा भएको कार्यक्रमको उद्घाटन वडाध्यक्ष अमान्त अन्सारीले गरेका थिए । कार्यक्रममा वडा सचीव नवराज थापा, समाजसेवी रबिन्द्र पटेल, सबिता कुमारी कलवार लगायतले मन्तब्य राखेका थिए ।
कार्यक्रममा लालपर्सा स्वास्थ्य चौकीका प्रमुख अनिशकान्त कुशवाहा, पाण्डव कटुवाल, कृषण पौडेलले प्रशिक्षण दिएका थिए ।
कार्यक्रममा ४५ जना सहभागी किशोरीहरुलाई सेनेटरी पैड समेत वितरण गरिएको कार्यक्रमका सुपरभाइजर सुनेशवर साहले जानकारी गराए ।
