बीरगंज, १४ जेठ ।
वीरगंज देखी काठमाण्डौ गइरहेको एउटा सुमो दुर्घटनामा पर्दा २ जना घाइते भएका छन । मकवानपुरको भिमफेदी नगरपालिका ४ रानिपोखरियामा वीरगंज देखी काठमाण्डौ गइरहेको ना. १ ज. ७०७९ नम्बरको सुमो दुर्घटनमा परेको हो ।
सुमो चालक रबिन्द्र मण्डलको लपर्वाहीले दुर्घटना हुदा यात्रु भारत पूर्वी चम्पारण सुगौली डुम्मरीका ३० बर्षिय मुना सहनी र पश्चिमी चम्पारण सुगहा भवानीपुरका २६ बर्षिय उपेन्द्र राम घाइते भएका छन ।
सोही सुमोमा सवार गैसस महासंघ नेपाल पर्साका अध्यक्ष छठु साह लगायत केही यात्रु समान्य घाइते पनि भएका छन । चालक मण्डलको लपर्वाहीले बाटो छेउमा रहेको नालामा गाडी ठोकिएको थियो भने बाटो छेउमा रहेको रुखमा गाडी नरोकिएको भए ठुलो दुर्घटना हुन सक्ने अध्यक्ष साहले वताए । दुर्घटना स्थल अझै प्रहरी पुग्न सकेको छैन ।
