वीरगंज,२१ मंसिर /बाराको परवानीपुर गाँउपालिका वडा नम्बर ५, नेवतनमा प्रारम्भीक बाल बिकाश केन्द्र प्रशिक्षक प्रशिक्षण तालिम शुक्रबार देखि संचालनमा भएको छ । कलैयामा रहेको स्वास्थ्य तथा वातावरण संरक्षण केन्द्रको आयोजनामा प्रशिक्षण कार्यक्रम संचालन भएको हो ।
ईसिडिसि नेवतनको सभाहलमा सुरु भएको प्रशिक्षण तालिम मंसिर २७ गते सम्म चल्ने आयोजक संस्थाका कार्यक्रम संयोजक दामोदर प्रसाद यादवले जानकारी दिए । प्रारम्भीक बाल बिकाश केन्द्र प्रशिक्षक प्रशिक्षण तालिममा चैनपुर, नेवतन, लालपर्सा, बहुवरी , मोतसिर, मनहर्वा र भलुहि केन्द्रका गरी १४ जनाको सहभागीता रहेको कार्यक्रम संयोजक यादवले बताए ।
स्वास्थ्य तथा वातावरण संरक्षण केन्द्रका व्यवस्थापन समितिका जगदिश साह कानुको अध्यक्षता र वडा नम्बर ५ का वडा अध्यक्ष रामेश्वर प्रसाद कलवार प्रमुख अतिथ्यतामा सुरु भएको कार्यक्रममा स्वास्थ्य तथा वातावरण संरक्षण केन्द्रको कोषाध्यक्ष पृतम कुमार गुप्ता , शेषनाथ यादव , फेटा गाँउपालिका वडा नम्बर १ का वडा अध्यक्ष जयप्रकाश दास, कार्यपालिका सदस्य रामसुन्दर ठाकुर, ओम शान्ति समाज सेवाका दशई साह, युवा नेता उमेश गुप्ता, शिवजी गुप्ता, तालिम प्रशिक्षक रामप्रवेश साहको उपस्थिती रहेको थियो ।
