Date
सोम, कार्तिक ३०, २०८३
Mon, November 16, 2026
Home Blog Page 474

छिपहरमाईमा निमित हाकिम बनाउने याेजना विफल, नयाँ प्रप्र अधिकृत ठाकुर

0

वीरगंज । पर्साकाे छिपहरमाई गाउँपालिकामा निमित प्रमुख प्रशासकिय अधिकृत बनाउने याेजना विफल भएकाे छ । गाउँपालिकाकाे नयाँ प्रमुख प्रशासकिय अधिकृतमा कृष्ण ठाकुर हाजिर भएका छन् ।

छिपहरमाईकाे प्रमुख प्रशासकिय अधिकृत सिकेन्द्र प्रसाद साहकाे सरुवा गराएर निमित प्रमुख प्रशासकिय अधिकृत बनाउने याेजना बनाइएपनि संघिय मामिला तथा समान्य प्रशासन मन्त्रालयले साे याेजना विफल बनाइदिएकाे हाे ।

मन्त्रालयले कार्तिक १९ गते अधिकृत साहकाे धनुषाकाे बिदेह नगरपालिकामा सरुवा गर्दै उनकाे ठाउँमा मन्त्रालय कै अतिरिक्त सेवामा रहेका ठाकुरलाई पठाएकाे थियाे ।

अधिकृत साहले सरुवा भएकाे भाेली पल्टै कार्तिक २० गतै सरुवा भएकाे ठाउँमा रवाना भएका थिए । तर त्यसकाे केही दिन सम्म अधिकृत ठाकुर छिपहरमाई गाउँपालिकामा हाजिर नभएपछि गाउँपालिका प्रमुख प्रशासकिय अधिकृत विहिन भएकाे थियाे ।

गाउँपालिका स्राेतका अनुसार जनप्रतिनिधि र गाउँपालिकामा हाबी रहेका कर्मचारीकाे सेटिङ विपरित प्रमुख प्रशासकिय अधिकृत मन्त्रालयले पठाएपछि हाजिर नगराउने याेजना बनेकाे थियाे । तर त्याे याेजना धेरै समय टिकन सकेन । अन्तत: नयाँ प्रमुख प्रशासकिय अधिकृत ठाकुर हाजिर भए ।

उनी कार्तिक २४ गते नै गाउँपालिकामा हाजिर भएपनि हाल सम्म खाता संचालन हुन नसकेकाे बुझिएकाे छ । कोलनिकाको हाकिम नहुदा खाता खोल्न केही ढिलो भएको गाउँपालिका अध्यक्ष मनोज गुप्ताले वताए ।

अध्यक्ष कप टूर्नामेन्टकाे फाइनलमा भिखमपुर र हरिहरपु भिड्दै

0

वीरगंज । पर्साकाे धाेबिनी गाउँपालिकामा संचालित टि २० अध्यक्ष कप क्रिकेट टूर्नामेन्टकाे फाइनल खेल मंसिर ९ गते शनिबार हुने भएकाे छ ।

धाेबिनी गाउँपालिकाकाे आयाेजनामा संचालित टूर्नामेन्टकाे फाइनल खेल धाेबिनी गाउँपालिकाकाे वडा नं. २ भिखमपुर र वडा नं. ३ हरिहरपुर बिच हुने आयाेजकले जनाएकाे छ ।

धाेबिनी गाउँपालिका ४ लंगडीलाई हराउँदै भिखमपुर फाइनलमा प्रबेश गरेका थिए भने गाउँपालिकाका कर्मचारीलाई हराउँदै हरिहरपुर फाइनलमा प्रबेश गरेका थिए ।

गुलरिया फिल्डमा जारी टूर्नामेन्टका विजेता टिमले रु २५ हजार र उप विजेता टिमले रु १५ हजार पाउने छन् ।

कार्तिक ३० गतेदेखि सुरु भएकाे टूर्नामेन्टमा गाउँपालिका अन्तर्गतका ५ वडा र कर्मचारी समुह गरि ६ टिम सहभागि छन् । टूर्नामेन्टमा सहभागि टिमलाई आयाेजकले ब्याट, बल, पाेशाक लगायतकाे सामग्री समेत वितरण गरेकाे छ । 

कार्यपालिका सदस्य पासवानलाई अभद्र व्यवहार गर्नेमाथि कारवाहीकाे माग

0
वीरगंज । नेपाल दलित मुक्ति संगठनले राैतहटकाे विन्दावन नगरपालिका कार्यपालिका सदस्य राजेश पासवानमाथि अभद्र व्यवहार र गाली बेइज्जति तथा जातीय छुवाछूत तथा भेदभाव भएकाे भन्दै दाेषी उपर कारवाहीकाे माग गरेकाे छ । 
 
संगठनले बुधबार प्रेस विज्ञप्ती जारी गर्दै छठपर्वको अवसरमा रौतहट जिल्लाको पिपरिया स्थित छठ घाटको पन्डालमा प्रवेश गरेको निहुमा नेपाल दलित मुक्ति संगठन मधेश प्रदेश कमिटी सदस्य समेत रहेका पासवानमाथि भएकाे अभद्र व्यवहार प्रति ध्यानाकर्षण भएको जनाएकाे छ ।
 
संगठनका केन्द्रिय अध्यक्ष गणेश विश्वकर्माले विज्ञप्ती जारी गर्दै  श्री सानूकिम्ताङ माध्यमिक विद्यालय, म्याङ गाउँपालिका ४ किम्ताङ नुवाटमा कार्यरत प्रधानाध्यापक भरतप्रसाद यादव, अधिकृत शंकर ठाकुरलगायतका व्यक्तिहरुले दलित भनेर अपशब्द प्रयोग गर्दै उनीमाथि अभद्र व्यवहार गरेकाे जनाएकाे छ ।
 
विज्ञप्ती मार्फत विद्यालयका प्रधानाध्यापक तथा नेपाल सरकारका अधिकृत जस्तो पदमा रहेका व्यक्तिहरुबाट भएको यस घट्नाको जति विरोध तथा निन्दा गर्दै संगठनले घट्नाको घोर भत्र्सना समेत गरेकाे छ ।
 
नेपालको संविधान तथा जातीय भेदभाव तथा छुवाछूत (कसुर र सजाय) ऐन २०६८ तथा विद्यमान ऐन कानूनको विरुद्ध एक जना कार्यपालिका सदस्यमाथि जातीय विभेद गर्ने प्रधानाध्यापक यादव, अधिकृत शंकर ठाकुर लगायतका व्यक्तिहरुमाथि कानून अनुसार कारवाही गर्न संगठनले विज्ञप्ती मार्फत माग गरेकाे छ ।
 
साथै, मानव अधिकार विरोधी समाजमा सदभाव विथोल्ने गरी घटाइएकाे घट्नाका दोषीहरुलाई कारवाही गर्न गराउन हरतरहको सहयोग गर्न सम्पूर्ण राजनीति दलहरु, दलित संगठन, मानव अधिकारकर्मी, संचारकर्मी लगायतकाे संगठनले अपिल गरेकाे छ ।

कर दिवसमा सबैभन्दा बढी कर तिर्ने ३ जना सम्मानित

0

वीरगंज । वीरगंज महानगरपालिकाका मेयर राजेशमान सिंहले सबैभन्दा धेरै राजस्व संकलन गर्ने वीरगंज नै सरकारकाे उपेक्षामा परेको वताएका छन् ।

आन्तरिक राजश्व कार्यालय वीरगंजले आयाेजना गरेकाे १२ औं राष्ट्रिय कर दिवस तथा कर सप्ताह समापन समाराेहलाई सम्बाेधन गर्दै मेयर सिंहले राजश्व संकलनमा वीरगंजले याेगदान गरे अनुसारकाे प्रतिफल नपाएकाे गुनासाे गरेका हुन् ।  

कार्यक्रमका प्रमुख अतिथी समेत रहेका मेयर सिंहले कर नतिर्नेलाई दायरामा ल्याउनु पर्ने वताए । उनले करकाे दायरा बढाउनुकाे साथै कर संकलनकाे लागि चेतना फैलाउन पनि जरुरी रहेकाे वताए ।

मेयर सिंहले सेवा प्रवाहको सवालमा आन्तरिक राजश्व कार्यालय वीरगंजकाे सेवा प्रवाह पहिला भन्दा सुधार भए वताउँदै अझै सुधार गरेर जानू पर्ने वताए ।

उनले घर बहाल कर स्थानीय तहले लिने संविधानमा स्पष्ट व्यवस्था हुँदाहुदै स्थानीय तहको अधिकार क्षेत्र मिचेर घरबहाल कर आन्तरिक राजस्व कार्यालयले लिईरहेको गुनासो समेत गरे । घर बहाल कर स्थानीय तहले उठाउनु पर्ने संविधानमा भएको अधिकारको पालना गर्नु पर्ने मेयर सिंहकाे भनाई थियाे । 

उनले महानगरलाई बहाल कर मात्र उठाउन दिए आफू त्यसको अतिरिक्त कुनै कर नलिने दाबी समेत गरे । 

मेयर सिंहले वीरगंज ३१ का स्थानीय गरिब विपन्नहरूको नागरिकता दूरूपयोग गरेर करोडौ कर तिर्नुपर्ने अवस्था बनाएको र कर कार्यालयले पनि ताकेता गरेर आतंकित बनाएको भन्दै त्यसलाई सहजीकरण गर्न माग समेत गरे ।

आन्तरिक राजश्व कार्यालय वीरगंजका प्रमुख कर अधिकृत ढाकाराम तिवारीकाे अध्यक्षतामा भएकाे कार्यक्रमा पर्साका प्रमुख जिल्ला अधिकारी हिरालाल रेग्मी, वीरगंज भन्सारका प्रमुख भन्सार प्रशासक डिलाराम पन्थी, उद्याेग वाणिज्य महासंघ मधेश प्रदेशका अध्यक्ष अशाेक टेमानी, नेपाल चाटर्ड एकाउण्टेण्ड एशोसिएसन पर्साका अध्यक्ष रमेश अग्रवाल लगायतले मन्तव्य राखेका थिए ।

आन्तरिक राजश्व कार्यालय वीरगंज कै प्राङ्गणमा भएकाे कार्यक्रमकाे संचालन कर अधिकृत निरज पाेखरेलले गरेका थिए भने स्वागत मन्तव्य कर अधिकृत संदिप पटेलले राखेका थिए । 

कर सप्ताहको समापन समारोह मै आर्थिक वर्ष ०७९/०८० मा सबैभन्दा बढी कर तिर्ने करदाता र उत्कृष्ट कर्मचारीलाई सम्मान गरिएकाे थियाे ।

बैंक तथा बित्तिय संस्थातर्फ शिवम बचत तथा ऋण सहकारी संस्था लिमिटेड, व्यापार तर्फ कमला मोहन इण्टरनेशनल प्रालि र उद्योगतर्फ राजधानी क्राफ्ट नेपाल प्रालिलाई सम्मान गरिएको थियो । त्यस्तै उत्कृष्ट कर्मचारीतर्फ राजश्व कार्यालयका डाटा इन्टरी सुपरवाइजर रामानन्द यादवलाई सम्मान गरिएको थियो ।

स्वच्छ, पारदर्शी र प्रविधि मैत्री कर प्रशासन समाजिक न्याय, आर्थिक समृद्धि र सुशासन भन्ने नाराकाे साथ सप्ताह व्यापी कार्यक्रमकाे आयाेजना गरेर १२ ‍औं कर दिवस राजश्व कार्यालय वीरगंजले मनाएकाे हाे ।  

खैरो हिरोइनसहित भारतिय पक्राउ

0

वीरगंज । पर्सा प्रहरीले वीरगंजबाट लागु औषध खैरो हिरोइनसहित एक जनालाई पक्राउ गरेकाे छ । पक्राउ पर्नेमा भारत बिहार राज्य पुर्वी चम्पारण मोतिहारी विर्ताटोल निवासी २५ बर्षिय यादाेलाल कुमार रहेका छन् ।

अस्थाई प्रहरी पोष्ट घण्टाघर र लागु औषध नियन्त्रण व्युरो वीरगंजबाट खटिएको संयुक्त चेकिङ टोलीले साेमबार  वीरगंज महानगरपालिकाकाे वडा नं.८ घण्टाघरस्थित सडकखण्डबाट यादाेलाललाई नियन्त्रणमा लिएकाे हाे ।

वीरगंज भन्सार कार्यालय तर्फबाट शंकास्पद रुपमा साईकल चलाई पावर हाउसतर्फ जाँदै गरेको यदोलाललाई राेकी चेकजांच गर्दा उनले लगाएको पाईन्टको बाँया पट्टिको अगाडी खल्ती भित्र सेतो प्लाष्टिकमा लुकाइ छिपाई राखिएको लागु औषध खैरो हिरोइन १० ग्राम फेला परेको जिल्ला प्रहरी कार्यालय पर्साले जनाएकाे छ ।

उक्त लागु औषध सहित निजलाई नियन्त्रणमा लिइ जिल्ला प्रहरी कार्यालयमा ल्याइ लागु औषध सम्बन्धी कसूरमा थप अनुसन्धान कार्य भैरहेको जिल्ला प्रहरी कार्यालय पर्साका प्रवक्ता प्रहरी नायब उपरिक्षक (डिएसपी) कुमार बिक्रम थापाले जानकारी दिए ।

विद्यालयमा विदा दिएर पार्टी प्रबेश कार्यक्रम

0

वीरगंज । पर्साकाे पाेखरियास्थित विद्यालयमा विदा दिएर पार्टी प्रबेश कार्यक्रम आयाेजना गरिएकाे पाइएकाे छ । पाेखरिया नगरपालिकाकाे वडा नं. ४ पाेखरियामा रहेकाे श्री जिल्ला उच्चांगल रामदेव कलवार माद्यमिक विद्यालय पाेखरियामा मंगलबार विदा दिएर राजनीतिक दलकाे कार्यक्रम आयाेजना हुँदा विद्यार्थीहरु पढन पाउनु पर्ने अधिकारबाट बन्चित भएका छन् ।

नेकपा एमाले पर्साले पार्टीका केन्द्रिय अध्यक्ष एवम् पूर्व प्रधानमन्त्री केपी शर्मा ओलीकाे प्रमुख आतिथ्यतामा आयाेजना गरेकाे बृहत सभा तथा पार्टी प्रबेश कार्यक्रमका कारण मंगलबार विद्यालयमा संचालन हुन सकेन ।

पूर्व निर्धारित पार्टी प्रबेश कार्यक्रमका कारण विद्यालयमा मंगलबार विदा दिइएकाे थियाे । विद्यालयहरुमा तिहार र छठ पर्वकाे विदा मंसिर ४ गते सम्म रहेपनि पार्टी प्रबेश कार्यक्रम कै कारण विद्यालयमा एक दिन थप विदा बढाएर मंसिर ५ गते सम्म विदा दिइएकाे थियाे । जस कारण मंगलबार विद्यालय संचालन हुन सकेन ।

मंगलबार विद्यालय संचालन हुनु पर्नेमा विद्यालय प्राङ्गणमा राजनीतिक दलकाे कार्यक्रम दिनभरी भयाे । जुन कार्यक्रममा नगरपालिकाका मेयर र उप मेयर आफै सहभागि थिए । साेही कार्यक्रममा त्यहीका पूर्व सांसद हरिनारायण राैनियार समेत पार्टी प्रबेश गरे ।

विद्यालयलाई शान्ति क्षेत्र र राजनीतिक दलकाे कार्यक्रम निषेधित क्षेत्र घाेणा गरिए पनि शिर्ष दल र शिर्ष नेता नै सहभागि भएकाे कार्यक्रम आयाेजना हुँदा विद्यार्थीहरु मर्कामा परेका हुन् ।

विद्यालयमा तिहार र छठकाे विदा नै रहेकाे पाेखरिया नगरपालिकाका मेयर प्रदुमन चाैहानले वताए । तिहार र छठकाे विदा मंसिर ४ गते सम्म नै रहेपनि पार्टी कै कार्यक्रमका कारण एक दिन थप मंसिर ५ गते विदा दिइएकाे प्रश्नमा त्यस्ताे नै भएकाे हुन सकने उनले वताए ।

विद्यालय बन्द गरेर राजनीतिक दलकाे कार्यक्रम गर्नु उचित भएन नि साेध्दा उनले तपाईहरुकाे काम नै यही हाे, भेटेर कुरा गर्नु हाेला भन्दै फाेन काटीदिए ।

नगरपालिकाका शिक्षा शाखा प्रमुख विजय झाले नगरपालिका अन्तर्गतकाे सबै विद्यालयमा मंसिर ५ गते सम्म विदा दिइएकाे वताए । उनले छठ पर्वकाे भाेली पल्ट विद्यालयमा विद्यार्थीहरुकाे कम उपस्थिती हुने भएकाेले स्थानिय तहबाट थप एक दिन विदा दिइएकाे वताए ।

श्री जिल्ला उच्चांगल  माविका प्रधानाध्यापक ओमप्रकाश राैनियारसंग फाेनमा सम्पर्क गर्न खाेज्दा सुरुमा आफ्नाे छाेरालाई माेबाइल दिएर बुवा बाहिर जानु भएकाे भन्न लगाएर कुरा गर्न चाहेनन् । उनले केही समयपछि माेबाइल नै आफ गरिदिए । 

पाेखरियामा एमालेकाे बृहत सभा तथा पार्टी प्रबेश कार्यक्रम सम्पन्न

0

वीरगंज । पर्साकाे पाेखरियामा मंगलबार नेकपा एमालेकाे बृहत सभा तथा पार्टी प्रबेश कार्यक्रम सम्पन्न भएकाे छ । श्री जिल्ला उच्चांगल रामदेव कलवार माद्यमिक विद्यालय पाेखरियाकाे प्राङ्गणमा भएकाे कार्यक्रममा पूर्व प्रतिनिधि सभा सदस्य हरिनारायण राैनियारसहित सयाैं जनाले एमाले प्रबेश गरेका हुन् ।

कार्यक्रममा पप्पु कन्स्ट्रक्सन पूर्व सञ्चालक समेत रहेका रौनियार जनता समाजवादी पार्टी नेपाल परित्याग गरि एमाले प्रवेश गरेका हुन् । २०७४ को निर्वाचनमा पर्सा क्षेत्र नम्बर ३ बाट प्रतिनिधि सभा सदस्यमा निर्वाचित भएका रौनियारसँगै नेपाल सुशासन पार्टीकी केन्द्रीय सदस्य विना देवी लगायत विभिन्न पार्टीका सयौँ नेता कार्यकर्ता पनि एमाले प्रवेश गरेका छन् ।

राैनियारसहितकालाई कार्यक्रमका प्रमुख अतिथी एमाले अध्यक्ष एवम् पूर्व प्रधानमन्त्री केपी शर्मा ओलीले फुल माला र अविरकाे टिका लगाएर पार्टीमा प्रबेश गरेका थिए ।

पार्टी प्रबेश कार्यक्रमलाई सम्बाेधन गर्दै अध्यक्ष ओलीले २०८४ को निर्वाचन पश्चात् एमालेले एकल बहुमतको सरकार बनाउने दाबी गरे । पार्टीले अहिले देश सङ्गठन विस्तारको अभियान चलाइरहेको र २०८४ को चुनावमा एमालेको एकल बहुमतको सरकार बन्ने वताए ।

उनले भने, ‘आउँदो २०८४ चुनावमा एमालेलाई कुनै पनि शक्तिले हराउन नसक्ने गरी सङ्गठनलाई मजबुत बनाइरहेका छौँ । हामी मिसन २०८४ मा लागेका छौँ । २०८४ को चुनावमा देशभर एमालेको विजय पताका फहराउँछ । एमालेको एकल बहुमतको सरकार बन्ने निश्चित छ ।’

ओलीले एमाले बाहेक कुनै पनि पार्टीले देशलाई समृद्ध बनाउन नसक्ने बताए । देशलाई अहिलेको बेथिति र विसङ्गतिबाट बाहिर निकाल्न एमाले सरकारको विकल्प नै नभएको उनले बताए ।

एमाले आफ्नो नेतृत्वको सरकारमा छिमेकी मुलुकहरूसँग दबिएर होइन समान हैसियत बनाएर अगाडि बढ्ने नीति लिने उनले बताए । मुलुकमा अहिलेको गठबन्धनको सरकारका कारण चरम बेथिति, भ्रष्टाचार र आर्थिक मन्दी बढ्दै गएकाले यस्ता समस्याबाट देशलाई बाहिर निकाल्न मुलुकमा एमाले नेतृत्वको सरकार नै आवश्यक भएको उनको भनाई थियो ।

दुर्गा प्रसाईँलाई नयाँ तत्त्वको शिखण्डीको संज्ञा दिँदै उनले भने, ‘अहिले देशमा केही नयाँ तत्त्वहरू उफ्रिइरहेका छन् । अहिलेको गठबन्धनको सरकारको बेथितिका कारण नै त्यस्ता शिखण्डीलाई एमालेले गन्दा पनि गन्दैन । कुनै मतलब पनि राख्दैन । किनकि एमाले सिसाको गिलास होइन जुन कतै ठोकियो भने पिटिक्कै फुटी हाल्ने । एमाले त्यस्तो इस्पात हो जुन घनले हान्दा पनि टसमस हुँदैन । त्यसैले अहिले उफ्रिइरहेका नयाँ शिखण्डीहरूको एमालेले मतलब नै राख्दैन ।’

ओलीले भगवान् रामको जन्मभूमि पर्साको ठोरी नै भएको पुन: दोहोर्‍याए । ओलीले समय – समयमा भगवान् रामको जन्मभूमि ठोरीमा रहेको दाबी गर्दै आइरहेका छन् ।

सभालाई सम्बोधन गर्ने क्रममा ओलीले भने, ‘अहिले भारतले राम मन्दिर बनाइरहेको अयोध्या भगवान् रामको जन्मभूमि हुँदै होइन । किनकि अयोध्या डेढ सय वर्ष पहिलेसम्म फैजलावाद थियो । वास्तविक राम जन्मभूमि त नेपालको ठोरी हो भन्ने कुरा धर्मशास्त्रमै उल्लेख छ ।’

एमाले पर्साका संयाेजक डाक्टर विश्वम्भर शर्माको अध्यक्षतामा भएकाे कार्यक्रमलाई एमाले केन्द्रीय सचिव योगेश भट्टराई, रघुवीर महासेठ, पोलिटब्युरो सदस्य पुरुषोत्तम पौडेल, पूर्व मन्त्री ज्वाला साह, अच्युत मैनाली, केन्द्रीय सदस्यहरू राजकुमार गुप्ता, अरविन्द सिंह, पाेखरिया नगरपालिकाका मेयर प्रदुमन चाैहान लगायतलेपनि सम्बोधन गरेका थिए । 

धाेरे मेला तथा कुस्ती प्रतियाेगिता सम्पन्न

0

वीरगंज । पर्साको पकहाँ मैनपुर गाउँपालिका वडा नम्बर १ धोरेमा आज बिशाल कुस्तीसहित भब्य मेला सम्पन्न भएको छ ।

प्रत्येक बर्ष झै यस बर्षपनि छठकाे पर्नाकाे दिन साेमबार शान्तिपूर्ण रुपमा मेला र कुस्ती प्रतियाेगिता सम्पन्न भएकाे गाउँपालिका अध्यक्ष सुरेश प्रसाद मेहताले जानकारी दिए ।

मेलामा पर्सा, बारा, रौतहट तथा भारतका पुर्बी र पश्चिमी चम्पराणका हजारौ सहभागि भएका थिए । मेलामा साेमबार बिहानैदेखी कुस्ती प्रतियोगीता पनि भएको थियो ।

कुस्तीमा नेपाल तथा भारतका नामी पहलवानहरुकाे जबरदस्त प्रस्तुती रहेको थियो । नेपाल राज यादवले भारतका बाबा नायक पहलवानलाई पराजित गरेका थिए । 

मेलालाई ब्यवस्थापन गर्न मेला समितिले स्वयमसेवक तथा पालिका र ईलाका प्रहरी कार्यालय पोखरीयाले प्रहरी परिचालन गरेको थियो ।

धाेबिनीमा भएकाे क्रिकेट टुर्नामेन्टमा सबैठवा विजयी

0

वीरगंज । पर्साको धोबिनी गाउँपालिकामा संचालित वडा र पालिका स्तरिय क्रिकेट टुर्नामेन्टको फाईनल खेलमा आज पकहाँ मैनपुर गाउँपालिकाको वडा नम्बर ५ सबैठवा बिजयी भएकाे छ ।

धाेबिनी गाउँपालिका वडा नम्बर ५ को वडा कार्यालयको सहयोग र हिमाल स्टार क्रिकेट टिम जगरनाथपुरको आयोजनामा जगरनाथपुरको फिल्डमा संचालित टुर्नामेन्टको फाईनल खेलमा बहुदरमाई नगरपालिकाकाे वडा नं. २ लाई हराउँदै सबैठवा बिजयी भएकाे हाे ।

सुरुमा बहुदरमाईले २० ओभरको खेलमा सबै बिकेट गुमाई १ सय १० रन जोडेको थियो । त्यसपछि १११ रनकाे लक्ष्यसहित बैटीङ गरेकाे सबैठवाले १९ ओभर २ बलमा ८ बिकेटको क्षतीमा आफनो लक्ष्य प्राप्त गरी विजयी भएकाे थियाे ।

फाईनल खेलकाे मैन आफ दि मैच सबैठवाका मंजय महतोले ३६ रन र ३ बिकेट लि भएका थिए । बहुदरमाईका सोबराती अंसारीले १० बिकेट र ९६ रन बनाई मैनआफदि सिरीज भएका थिए ।

विभिन्न पालिकाका ६ टिम भाग लिएका टुर्नामेन्टकाे विजेता टिमले रु २५ हजार र उप विजेता टिमले रु १५ हजार पुरस्कार पाएका थिए । 

बिजेता तथा उपबिजेता टिमलाई पुर्ब गाविस अध्यक्ष राजेन्द्र यादव, पत्रकार छठु साह, शिक्षक महसंघका आरिफ अंसारी र धाेबिनी गाउँपालिका ५ का वडाध्यक्ष मनाउर मियाले पुरस्कार रासीकाे चेक, ट्रफी र प्रमाणपत्र बितरण गरेका थिए ।

ममता र मानवताकाे महापर्व छठ पुजा

0
  • राजिव कुमार पटेल /

लाेक आस्थाकाे महान पर्व छठ पूजा भावना हो, यो एउटा माध्यम हो । आफसी मतभेद भुलाएर पुरै परिवारलाई एक जूट गर्ने । हरेक साल दिपावलीको छैटौ दिन अस्ताउँदै सूर्यको अगाडि नतमस्तक भइन्छ अनि अघिलाे दिन युग्दै गरेको सुर्यलाई अर्घ दिने गरिन्छ ।

छठ माताको हुन् ? यसको बारेमा अलग अलग धारणाहरु छन् । पुरानमा नौं रात्रमा पुजने माँ कतियागीलाई नै छठ माता भनिने गरिन्छ । अनि सनातन धर्ममा उनलाई भगवान विष्णुको मानस पुत्री मानिएको छ, यो पुजा कहिले सुरु भएको थियो ठीकठाक भन सकिन्दैन तर यस्तो उलेख भेटिन्छ कि महाभारत कालमा द्रोपती छठ माताको पूजा गर्ने गर्थिन् । सुर्य पुत्र कर्ण पनि छठ पुजा गर्ने गर्थें ।

यस्तो पढ्नमा आउँन्छ की कर्ण सूर्य कै पुत्र थिए । सूर्यको उपासना र पिताको उपासना कर्णकाे लागि एउटै अर्थ थियो । हामी पनि सुर्यलाई पिता नै मान्ने गर्छाैं । त्यसैले हाम्रो भित्रपनि एउटा कर्ण स्वास लिदै छ । म र तपाइँ पनी एउटा कर्ण कै छाया हौ । छठ पूजामा जब हामी सुर्यलाई आफ्नो प्रणाम नी बेतित गर्छौ तब त्यो आदर एउटा भक्त एउटा भगवानलाई मात्र दिराखेको छन, एउटा सन्तान आफ्नो पितालाई पनि दिराखेको छ । त्यसैले छठ पूजा मात्र एउटा उत्सव हैन हजारौं वर्ष पुरानो एउटा सम्बन्धकाे मनध घोसणा हो ।

यो संसार जानोस कि हामी सूर्यको जस्तो तपन पनि जान्छौ र सूर्यको जस्तो चम्कन पनि । जब बेलुका आमाको साथ टाउकोमा फलले सिंगारिएका दौरा लिएर जाँदै गर्दा येस्तो लाग्छ । छठ माता मूर्तिमा होइन आमाको अनुहारमा आएर बस्नु भएको छ । तपाई त्यो अनुभव गर्न सक्नु हुन्छ । यदि अनुभव गर्न सक्नु हुन्छ भने थाह हुन्छं छठ हो के ? यदि वास्तविक छठ देख्नु छ भने ४ दिनको लागि आउनु होस मधेश । जब छठ पूजा मनाइन्छ तपाईंलाई छठ के हो थाहुन्छ । जब बिहान ५ बजे आमा नदीमा उभेर सूर्य भगवानलाई अर्घ दिदै हुन्छिन् अनि उनको आँखा उनको छोराछोरीको पर्खाइमा घुम्दै बस्छ कि छोराछोरी आएर सुपली समाती हाल्छन ।

आमाको आँखामा आफ्नो सन्तान प्रतिको त्यो मर्म बुझ्न सक्नुहुन्छ । छठकाे ४ दिन के हुन्छ यो उहाँलाई बताउनु जरूरी छैन । जो आफ्नो जरसंग जुधनु भएको छ तर उनलाई जान्न जरुरी छ जसको जर टुटी सकेको छ । एक चोटि सोचौँ त अगाडि बढ्नुको अन्धो दौडमा हामी कति पछाडि गइसकेका छौ । आफ्नो सचलाई झूटो मान्छौ र अरुको झुटोलाई सच । मोडर्न हुनुको मतलब मुर्ख हुनु कतै पनि हैन् । विश्वास मनानुस आफ्नो संस्कृतिसँग, आफ्नो ग्रहन्थसंग, आफ्नो पूर्वजसँग अलग भयौं भनें हामीमा र एउटा किलामा बाँधिएको जनावरमा केही अन्तर हुँदैन ।

छठको परम्परा हो के अनि किन म भन्दैछु कि संसारमा येस्तो परम्परा छैन । सायद हजुर हरुको सुतेको जरा जागी हालोस । छठको पहिलाे दिनलाई भनिन्छ ‘नहाएखाए’ पुरै घरलाई सरसफाइ गरिन्छ अनी घरको सबै मान्छेलाई सुट्युक खाना दिइन्छ । छठको दाेस्राे दिनलाई ‘रसियाव भनिन्छ’ त्यो दिन प्रसाद बनाइन्छ ( रोटी, खिर, दुधपुवा) अनि तेस्राे दिन छठ हुन्छ ।

आमाको हातले बनाएको त्यो मधुरो आचमा ठेकुवा, बजारको कुनै पनी मिठाईसँग तुल्ना गर्न मिल्दैन, ठेकुवा हाम्रो लागी प्रसाद होईन, त्यो हाम्राे लागि अमृत समान हुन्छ । जहाँ पूरा संसार उग्दै गरेको सूर्यलाई मात्र पूजा गर्छन् त्यो संसारमा एउटा येस्तो समाज पनि छ जो छठमा अस्ताउँदै गरेको सुर्यलाई पनि पूजा गर्छन् ।

हाम्रो लागि पश्चिममा अस्तउँदै सूर्य त्यतिनै सरधा हुन्छ जति पूर्वमा उदय हुँदै गरेको सूर्य । किनकी सूर्य भगवान हुन् अनी दिसा बदली हाल्दा हाम्राे भगवान प्रतिको भाव बदलिहालदैन । आमा बेलुका आस्ताउँदै गरेको सूर्यलाई पूजा गर्दै बताउनु हुन्छ जीवनमा अस्ताउन नियती हो । अनि बिहान उदाउँदै गरेकाे सूर्यलाई अर्घ दिदै बताउनु हुन्छ जो डुब्छ त्यो उग्छ जरूर ।

त्यो छठको घाटमा आमाले गाएकाे त्यो छठको गित, दुनिया भरीको गित संगीत फिका परी हाल्छन जब आमाहरु आफनो सन्तानको लामाे उमेरको कामना गर्दै एकै सवरमा गाँउदै भन्छिन् “कि काचही बासके बहाङ्गिया बहाङ्गी लचकत जाए” । बिना कुनै ब्याकग्राउन्ड म्युजिककाे सबै भन्दा लाेकप्रिय गित हुने गर्छ, त्यो जतिको करुन, संवेदनशिल यति मनको छूने त्यति भावनासँग जुडेको गीत सायद नै कुनै होला हाम्रो लागि ।

छठ पूजाको लागि सानाे बच्चा देखि लिएर घरको बूढो मान्छे सबैमा त्यति नैं हर्स र उलास हुन्छ किनकि यो हाम्रो लागि पर्व होइन हाम्राे भावना हो, हाम्रो कानकानमा दौरिन्छ छठ । छठको घाटमा न कुनै आफ्नो हुन्छ न कुनै पराएँ, न कुनै जातपात न कुनै छुवाछुत, न कुनै उचनिच सबै मान्छे बेदि/छठी मातको मुर्ति माथि गएर प्रसाद चढाउने गर्छन्, प्रसाद माग्ने गर्छन् ।

छठ घाटमा सामजिक विभाजनको कुनै दृश्य देखिदैन । सबैको एउटै पहिचान हुन्छ, सबै छठ माताको सन्तान हुन्छन् । त्यो दिन यस्तो हुन्छ ना कुनै सानो ना कुनै ठुलो ना कुनै अमीर ना कुनै गरिब देखान्छन् । टाढा टाढासम्म मात्र एउटै कुरा देखिन्छ मानव र उनको मानवता । जति निस्पक्ष, भावुक र प्रेमसँग भरियको सम्ररस् जति छठको अन्तिम दिन हुन्छौ । त्यस्तै सालको ३६५ दिन रह्याे भने हामी मानिसलाई मानव बन् सँग कोही रोक्न सक्दैन ।

त्यसैले कुर्सीमा बसेको सबै त्यो मानुभवहरुसंग आग्रह छ कि यदि तपाई बिदा दिन सक्नु हुन्छ भने दीहल्नु आफ्नो अरब कमाउने चकरमा कसैको पर्व न छोडाउनुस् किनकी यो छठ मनाउने मान्छेहरुको लागि एउटा पर्व मात्र होइन उसको अनि पहिचान हो । सबैलाई छठ पूजाको हार्दिक मंगलमय शुभकामना मुस्कराउनुस् तपाई आफ्नो परिवार, आफ्नो मान्छेसंग हुनुहुन्छ ।