वीरगंज । नेपाली कम्युनिष्ट पार्टी (नेकपा) पर्सा क्षेत्र नं. २ का उम्मेदवार मनोज चौधरीले सोमबार पनि घरदैलो तथा मतदाता भेटघाट कार्यक्रमलाई निरन्तरता दिएका छन्।
उम्मेदवार चौधरीले वीरगंज महानगरपालिका वडा नं. २५, श्रीरिसिया क्षेत्रका मतदातासँग प्रत्यक्ष भेटघाट गर्दै स्थानीय समस्या र जनजीवनसँग जोडिएका आवश्यकताबारे छलफल गरेका छन् । उनले घरदैलो अभियानलाई जनतासँग नजिक पुग्ने अवसरको रूपमा प्रयोग गर्दै आगामी निर्वाचनमा विश्वास र समर्थन जुटाउने लक्ष्य रहेको बताएका छन् ।
घरदैलो कार्यक्रममा नेकपाका केन्द्रिय सदस्य नगेन्द्र चौधरी, रामचन्द्र साह, बृजलाल पासवान, केन्द्रिय सल्लाहकार समिति सदस्य रामश्रय राम, नेता रामेश्वर मण्डल, दिपेन्द्र सिह पटेल लगायतका नेता तथा कार्यकर्ताको उल्लेखनीय उपस्थिति रहेको थियो।
यस अभियानमार्फत उम्मेदवार चौधरीले मतदातासँग प्रत्यक्ष संवाद र समस्याको अवलोकन गर्दै क्षेत्रको विकास र समृद्धिका लागि सक्रिय भूमिका खेल्ने प्रतिबद्धता व्यक्त गरेका छन् ।
