वीरगंज । पर्साको कालिकामाई गाउँपालिकाका नयाँ प्रमुख प्रशासकीय अधिकृत राज कुशवाहाले शुक्रबार औपचारिक रूपमा हाजिर भई कार्यभार सम्हालेका छन् । यसअघि पर्साकै जिराभवानी गाउँपालिकामा प्रमुख प्रशासकीय अधिकृतका रूपमा कार्यरत कुशवाहाको कालिकामाई गाउँपालिकामा सरुवा भएपछि उनी हाजिर भएका हुन्।
हाजिर हुन गाउँपालिकाको कार्यालय पुगेका कुशवाहालाई एक कार्यक्रमका बीच गाउँपालिकाका जनप्रतिनिधि तथा कर्मचारीहरूले स्वागत गरेका थिए । कार्यभार सम्हालेपछि उनले जनप्रतिनिधि र कर्मचारीहरूबीच परिचयात्मक कार्यक्रमसमेत गरेका छन् ।
कालिकामाई गाउँपालिकाको सभा हलमा सम्पन्न परिचयात्मक कार्यक्रममा गाउँपालिकाकी उपाध्यक्ष फुलमती देवी बरैनसहितका जनप्रतिनिधि तथा कर्मचारीहरूले गमछा र फूलमाला लगाई प्रमुख प्रशासकीय अधिकृत कुशवाहाको स्वागत गरेका थिए।
कार्यभार सम्हाल्दै कुशवाहाले गाउँपालिकाको कामकारबाही नियमसंगत रूपमा अघि बढाउने र विकासले तीव्रता पाउनेमा आफू विश्वस्त रहेको प्रतिक्रिया दिएका छन् । स्वागत तथा परिचयात्मक कार्यक्रममा वडाअध्यक्षहरू लालबाबु चौरसिया, सोनालाल चौरसिया, संजय पटेल, संजय प्रसाद गोढलगायत जनप्रतिनिधि तथा कर्मचारीहरूको सहभागिता रहेको थियो।
