वीरगंज । नेशनल मेडिकल कलेज प्रा.लि. तथा नेशनल इन्फोटेक कलेज (एनआई कलेज) बीच स्वास्थ्य सेवा सहकार्यसम्बन्धी सम्झौता सम्पन्न भएको छ। उक्त सम्झौता बुधबार नेशनल मेडिकल कलेज एण्ड टिचिङ हस्पिटलको केन्द्रीय कार्यालय, वीरगंज–१५, पर्सामा सम्पन्न भएको हो।
सम्झौताअनुसार एनआई कलेजसँग आबद्ध बोर्ड सदस्य, कर्मचारी/खेलाडी तथा उनीहरूका आश्रितले नेशनल मेडिकल कलेजमार्फत विभिन्न स्वास्थ्य सेवा सुविधाहरू सहुलियत दरमा प्राप्त गर्नेछन्। यस अन्तर्गत आकस्मिक तथा आपतकालीन सेवा, क्यासलेस तेस्रो पक्ष बीमा सेवा, अन–साइट क्लिनिक सञ्चालन, वेलनेस प्याकेज तथा अस्पतालका अन्य सेवामा विशेष छूट उपलब्ध हुनेछ।
नेशनल मेडिकल कलेजले ओपीडी, जनरल बेड, आईसीयू/एनआईसीयू/पीआईसीयू, शल्यक्रिया, ल्याब परीक्षण, एक्स–रे, भिडियो एक्स–रे, ईसीजी, इको, टीएमटी, सिटी स्क्यान, एमआरआई, फार्मेसी तथा डेन्टल सेवामा विशेष सुविधा प्रदान गर्ने उल्लेख गरिएको छ।
सम्झौतामा नेशनल मेडिकल कलेजका तर्फबाट प्रबन्ध निर्देशक शहनवाज अन्सारी र एनआई कलेजका तर्फबाट प्रिन्सिपल इञ्जिनियर मनीष सिंहले हस्ताक्षर गरेका छन्। सम्झौता एक वर्षका लागि लागू हुने र आवश्यकताअनुसार आपसी सहमतिमा नवीकरण गर्न सकिने जनाइएको छ।
यस सहकार्यले दुवै संस्थाबीचको सम्बन्धलाई थप मजबुत बनाउँदै कलेज परिवारलाई गुणस्तरीय स्वास्थ्य सेवामा सहज पहुँच सुनिश्चित हुने विश्वास लिइएको छ।
