वीरगंज । छोरीको बाल विवाह गराएको आरोपमा एक महिला पक्राउ परेकी छन् । मिति २०८२ असार १ गते बिहान ८:०० बजे प्राप्त जाहेरीका आधारमा छोरीलाई नाबालिग अवस्थामा विभिन्न प्रलोभन देखाई विवाह गराइदिएको भन्दै शिबर्वाबाट एक महिला पक्राउ परेकी हुन् ।
प्रहरीका अनुसार पक्राउ परेकी महिलाले छोरीलाई रु. ४ लाख ८० हजार नगद लिएर, उमेर नपुग्दासमेत, तीन गुणा बढी उमेरका पुरुषसँग अन्तरजातीय विवाह गराइदिएकी थिइन् । प्राप्त जाहेरी र प्रमाणका आधारमा बुधबार आरोपी महिलालाई नियन्त्रणमा लिइ थप अनुसन्धानका लागि पर्सा जिल्ला अदालतबाट ५ दिनको म्याद लिइएको छ ।
प्रहरीले घटनासँग सम्बन्धित अन्य पक्षहरूको खोजी पनि अघि बढाएको जानकारी दिएको छ । बाल अधिकार हननसम्बन्धी यस घटनाले समाजमा अझै पनि कति बालबालिकाहरू जोखिममा छन् भन्ने गम्भीर प्रश्न खडा गरेको छ ।
