वीरगंज । बिधार्थी जागरण मंच (बिजाम) वीरगंजकाे २९ औं बार्षिकाेत्सव सम्पन्न भएकाे छ । विजामले २९ बर्ष पुरा गरि ३० औं बर्षमा प्रबेश गरेकाे अवसरमा वीरगंजस्थित जिल्ला समन्वय समिती पर्साको सभाहालमा आयाेजना गरेकाे कार्यक्रम सम्पन्न भएकाे हाे ।
संस्थाका अध्यक्ष महेश आर्यालको अध्यक्षतामा र वीरगंज महानगरपालिकाका प्रमुख राजेशमान सिंहको प्रमुख आतिथ्यमा भएकाे कार्यक्रममा वाेल्ने वक्ताहरुले संस्थाले गरेकाे कामकाे चर्चा गरेकाे थियाे ।
विजामले २९ बर्षदेखी समाजमा गरेको लगानी उल्लेखनिय र उदाहरणीय रहेको गैरसरकारी संस्था महासंघ नेपाल पर्साका अध्यक्ष छठु साहले बताए । लागु औषधमा लागेका युवाहरु, एचआईभि संक्रमीतहरु अब ग्रामिण भेगमा पनि देख्न थालेकाे वताउँदै अध्यक्ष साहले बिजामले ग्रामिण भेगमा पनि कार्यक्रम संचालन गर्नु पर्ने सुझाए ।
बिजामले लिएको लक्ष्य पुरा गर्न पर्साका सम्मपुर्ण गैरसरकारी संस्थाहरु हाथ हाथमा र कांधमा कांध मिलाएर अगाडी बढने उनले प्रबिद्धता समेत जनाए ।
कार्यक्रममा नेपाल रेडक्रस सोसाईटी पर्साका सभापति बृजकिशोर पटेल, नेपाल पत्रकार महासंघ पर्साका सचिव बिजय चौहान, वडा नम्बर १३ का वडाध्यक्ष हिरा गिरी, प्राध्यापक राजेन्द्र कोईराला लगायतकाले संस्थालाई सहयोग गर्ने प्रतिबद्धता सहित शुभकामना मन्तब्य राखेका थिए ।
कार्यक्रममा संस्थाले २९ बर्षमा गरेकाे कामकाे प्रगति प्रतिवेदन समेत प्रस्तुती गरिएकाे थियाे । प्रस्तुत प्रतिवेदन अनुसार बिजामले २०५२ सालदेखी २९ बर्षे कार्यकालमा पर्सा सहित मधेश प्रदेशका ८ वटै जिल्लाहरुमा संस्थाले गरेकाे कामबाट भएकाे उपलब्धिकाे तथ्यांक समेत प्रस्तुत गरेकाे छ ।
प्रस्तुत तथ्यांक अनुसार पर्सामा १ हजार ५ सय ८१, बारामा १ हजार ८ सय ९०, रौतहटमा १ हजार ४७ लागु औषध प्रयाेगकर्ता रहेका छन् । विजामले पर्सामा यौनकर्मी संग भेटघाटको संख्या ६ सय ५५ देखाएको छ भन्ने पर्साका महिला यौनकर्मी अनुमानित रहेको बताएको छ ।
यसैगरी एआरभी सेवन गरिरहेका एचआईभी संक्रमित पर्साको संख्या १ हजार ४ सय ७७ रहेकाे छ । जसमा वीरगंज महानगरपालिकामा २ सय ८१, पर्सागढीमा ७६, बहुदरमाईमा ३१, पोखरियामा ४०, बिन्दवासिनीमा ४७, जगरनाथपुरमा ५५, धोबिनीमा ४३, कालिकामाईमा ३२, पकहाँ मैनपुमा ५०, सखुवा प्रसौनीमा ५२, छिपहरमाईमा ३३, पटेर्वासुगौलीमा ५१, जिराभवानीमा ३१ र ठोरी गाउपालिमा ३२ जना रहेका छन ।
एआरभी सेवन गरिरहेका लागु औषध प्रयोगकर्ता तथा महिला यौकर्मीको संख्या लागुऔषध प्रयोगकर्ता ९ जना र महिला यौनकर्मी ३२ जना रहेका छन । एआरभी सेवन गरिरहेका एचआईभी संक्रमितको संख्या २४ हजार २ सय ३७ जना रहेको तथ्यांकले देखाएको छ ।
मधेश प्रदेशमा ३ हजार ९ सय २६, कोसी प्रदेशमा २ हजार २ सय ४८, बागमतीमा ६ हजार २ सय ९, गण्डकीमा २ हजार ८ सय ३९, लुम्बनीमा ४ हजार ५ सय ९८, कर्णलीमा ७ सय १३ जना र सुदुपश्चिममा ३ हजार ६सय २३ जना रहेको तथ्यांक संस्थाका अध्यक्ष महेश आर्यालले प्रस्तुती गरेका थिए ।
बिजामको भावी योजना प्रदेश सतरिय लागुऔषध पुर्नस्थापन गृहको स्थापना, रिकभरी तथा पेशा छोडन चाहने महिला यौनकर्मी महिलाहरुका लागी स्टारट अप लागत तथा तालिम उपलब्धताको लागी पालिकाहरुसंग समन्वय, मधेश प्रदेशका प्रत्येक पालिकाहरुमा लागुऔषध तथा एचआईभी सम्बनधी जनचेतना मुलक कार्यक्रम संचालन र दातृ निकाय संगको समन्वयमा नेपाल सरकारको एचआईभी सम्बनधी लक्ष्य प्राप्तिका लागी पहल गर्ने भावी योजा रहेको समेत अध्यक्ष आर्यालले बताए ।
