वीरगंज । जिल्ला सल्लाहकार समितीसंग बार्षिक समिक्षा कार्यक्रम सोमबार वीरगंजमा सम्पन्न भएको छ ।
दिब्य युवा क्लबको आयोजनामा र एक्सन एड, आईरीस एडको सहयोगमा संचालित सम्मुन्नती परियोजना अन्तर्गत जिल्ला सल्लाहकार समितीसंग बार्षिक कार्यक्रम समिक्षा आज जिल्ला समन्वय समिती पर्साको सभाहालमा सम्पन भएको हो ।
कार्यक्रमलाई समापन समारोहमा बोल्दै जिल्ला समन्वय समिती पर्साका प्रमुखले गैरसरकारी संस्थाहरुलाई लिएर जादा पालिकाको बोझ हल्का हुने बताउनु भएको छ ।
गैरसरकारी संस्थाहरुले सरकारी कार्यालय वा निकायले नगर्ने काम तथा नपुगेको ठाउमा पुगेर सरकारलाई सहयोग गरेको प्रशंसा गर्नु भयो । १ दिने कार्यक्रममा संस्थाका कार्यक्रम प्रमुख रामाकान्त पटेलले बार्षिक प्रगती प्रतिवेदन पेश गर्नु भएको थियो । वक्ताहरुले कार्र्यक्रम सराहनिय रहेको बताएका छन ।
समन्वय समितीका प्रमुख नेकमहम्मद अंसारीको अध्यक्षतामा भएको कार्यक्रममा उपाध्यक्ष ठाकुर न्यौपाने, जिल्ला समन्वय समितीका अधिकारी छबिरमन भटराई, सदस्य शुबास साह, बिन्दवासिनी गाउपालिकाका अध्यक्ष श्रीलाल साह कानु, लगायतकाले सल्लाह तथा सुझाव मन्तब्य राखेका थिए । कार्यक्रमका सहजिकरण कार्यक्रम संयोजक जयनारायण चौधरीले गरेका थिए ।
