वीरगंज । नेकपामा देखा परेको आन्तरिक बिवाद अन्त्य गरि पार्टी एकतालाई थप सुदृढा गराउन माग गर्दै वीरगंजमा शनिबार प्रदर्शन भएको छ ।
स्वतन्त्र युवा समुह नामको ब्यानरमा गरिएको प्रदर्शनमा नेकपा युवा नेताहरुको सहभागिता रहेको थियो ।
बर्तमान सरकारका प्रमुख प्रधानमन्त्री केपी शर्मा ओलीलाई हटाउन पाइंदैन, पार्टी बिभाजन गर्न पाइंदैन भन्ने नारा लगाइएको जुलुसले नगर परिक्रम गरि पुन घन्टाघरमै पुगी को्ण सभामा परिणत भएको थियो ।
सभामा वाेल्नेहरुले देशमा अनेक खालको समस्या र चुनौति बिद्यामान रहेको बेला सरकार फेर्ने होइन बरु पार्टी एकतालाई थप सुदृढ बनाउंदै जाने जनताको चाहाना, बिचार र समस्या समाधान गर्न अघि बढ्न जरुरी रहेको वताएका थिए ।
बर्षामा पनि भएकाे प्रदर्शनमा पार्टीका कार्यकर्ताहरुले राष्ट्रियताको पक्षमा प्रधानमन्त्री ओलीले लीएको नारा देश र जनताको पक्षमा भएकाले उनलाई पुरा कार्यकाल सरकारको नेतृत्व गर्न दिनुपर्ने तर्क राखेका थिए ।
कार्यक्रममा नेकपा पर्सा जिल्ला निर्बाचन क्षेत्र नम्बर ३ का अधिकांस नेता तथा कार्यककर्ताहरुको सहभागिता रहेको थियो । नेकपा निकट राष्ट्रिय युवा संघ नेपालका अध्यक्ष महमद निजामकाे नेतृत्वमा भएकाे प्रदर्शनमा केन्द्रीय सदस्य बिकास रौनियार तथा नेकपाका नेता तथा कार्यकर्ताहरुकाे सहभागिता रहेको थियो ।