वीरगंज । पर्साकाे सखुवा प्रसौनी गाउँपालिकाकाे वडा नं. ५ महुनवनमा आईतबार समाजवादी पार्टीले बिजय जुलुस निकालेकाे छ । वडाध्यक्षकाे उपनिर्वाचनमा पार्टीका उम्मेदवार रुपलाल कुमार यादव विजयी भए पछि पार्टीले बिजय उत्सव मनाएकाे हाे ।
शनिबार भएको उपनिर्वाचनमा समाजवादी पार्टीका रुपलाल विजयी भएकाे अवसरमा विजय जुलुश निकालिएकाे स्थानिय सुनिल कलवारले वताए । महुवनबाट बाजागाजा सहित निस्केकाे विजय जुलुश वडा अन्तर्गतका महुवन, साेलखपुर र बलुवा गाउँ परिक्रमा गरेकाे थियाे ।
रुपलाल निवर्तमान वडाध्यक्ष स्व. बृजमाेहन यादवकाे जेठा छाेरा हुन् । तत्तकालिन संघिय समाजवादी फाेरमबाट बृजमाेहन निर्वाचित भएका थिए भने निर्वाचित भएकाे ३ महिना पछि नै हृदयघातका कारण निधन भएकाे थियाे ।
जुलुशमा समाजवादी पार्टीका केन्द्रिय सदस्य विरेन्द्र यादव, निलम्बित सांसद हरिनारायण राैनियार, प्रदेश सांसद प्रहलाद गिरी, मंजुर अन्सारी, सिंघासन साह कलवार, जनत अंसारी, करिमा बेग्म, पार्टीका जिल्ला अध्यक्ष रामनरेश यादव, जिल्ला सचिव तबरेज अहमद, जिल्ला सदस्य एवं गाउँपालिका अध्यक्ष प्रदिप जयसवाल लगायत सयौंकाे सहभागिता रहेकाे थियाे ।
रुपलालले १ हजार ३१ मत प्राप्त गर्दै २ सय १२ मत अन्तरले विजयी भएका हुन् । उनका निकटतम प्रतिद्वन्दी नेपाली काङ्ग्रेसका अशेसर यादवले ८ सय १९ मत प्राप्त गरेका थिए । नेकपाका उदशंकर रौनियार २ सय ३२ मत, स्वतन्त्र उम्मेदवार गोपाल साह कानु १६ र राप्रपाका सदरी महराले ८ मत पाएका थिए ।
शनिबार राती नै मतगणना सम्पन्न भए पछि राती नै रुपलाललाई बिजयी घोषणा गरि प्रमाणपत्र पत्र समेत वितरण गरिएको थियो । २ हजार ६ सय २ जना जम्मा मतदाता रहेको उक्त वडामा २ हजार १ सय २८ मत खसेको थियोे । जसमा २२ मत बदर भएको थियो ।
