वीरगंज । बाराकाे परवानीपुर गाउँपालिका वडा नं ५ नौतन बहुअरीमा शनिबार वृहत रक्तदान कार्यक्रम सम्पन्न भएकाे छ । नयाँ बर्ष २०८२ को अवसरमा स्थानिय नेता सञ्जु बाबाले आयाेजना गरेकाे कार्यक्रममा २१ महिला सहित १०१ जनाले रक्तदान गरेकाे रक्त संचार केन्द्र वीरगंजले जनाएकाे छ ।
स्वच्छ समाज यूवा क्लबको सहयोगमा नाैतन बहुअरीस्थित शिव पार्वती तथा श्रीरामजानकी मन्दिरको परिसरमा भएकाे कार्यक्रममा संदिप यादव, पुनम यादव, रोशिता यादव, ज्ञान्ती देवी पटेल, आनन्द पटेल, अखिल पटेल, भुपेन्द्र पटेल, उमेश साह, कृष्णा साह, रामप्रवेश गुप्ता, आशा देवी राम, अनिल कुमार, रञ्जन साह, सर्वेश कुमार, रत्कुमार सिंह, रामजी, सन्दीप यादव, उपेन्द्र कुमार भिखारी साह कानु, र बुप्रसाद कानु, रामबिनय मण्डल लगायतकाले रक्तदान गरेका छन् ।
कार्यक्रमका प्रमुख अतिथी वरिष्ठ परामर्शदाँता रेडियोलोजिस्ट तथा समाजसेवी डाक्टर शिवशंकर यादवले रक्तदाताहरुलाई रगतको पोका दिएर कार्यक्रमको समुदघाटन गरेका थिए । उनले सञ्जु साह जस्तो व्यक्ति राजनितिमा लागेर पनि उनले समाज प्रतिको जीम्मेवारी पनि धेरै राम्रो तरिकाले निभाएको बताए । साथै उनले अहिले चारैतिर रगतको अभाव भएकोले यो कार्यक्रमले रगतको मागँलाई कम गर्ने र समाजमा राम्रो संदेश जाने बताए ।
यसैगरी कार्यक्रमका विशिष्ट अतिथी नेपाल बार एसोशिएसन नेपालका पूर्व केन्द्रिय अपाध्यक्ष तथा समाज सेवी रामचन्द्र सिंहले सञ्जु साह र स्वच्छ समाज यूवा क्लबका समपूर्ण टिमले सराहनिय कार्य गर्दै आईरहेकोमा प्रशंसा गरे । उनले आजको कार्यक्रमले समाजमा राम्रो संदेश जानुको साथै यूवाहरुमा समेत यस्ता कार्यक्रम गर्ने प्रेरणा प्रदान हुने विश्वास व्यक्त गरे ।
यसैगरी कार्यक्रमका अर्का विशिष्ट अतिथी नेपाल रेडक्रस सोसायटी पर्सा शाखाका अध्यक्ष वृज किशोर पटेलले आज यो ठाउँमा एतिहासिक रक्तदान कार्यक्रम सपन्न भएकोमा आयोजक संस्थालाई धन्यवाद दिए । साथै उनले यस पर्सा, बारा, रौतहट लगायतका जील्लाहरुमा बिरामीहरुलाई वर्षमा १६ हजार भन्दा बढी रगतको आवश्यकता परिरहेको र दिनप्रतिदिन यसको माग बढदै गईरहेको बताए । उनले यस वर्ष २० हजार भन्दा बढी रगत संकलन गर्न लक्ष्य रहेको बताए ।
कार्यक्रममा परवानीपुर गाउँपालिका वडा नं ४ का वडाध्यक्ष गभिरा पटेल, वडा नं ४ का वडा सदस्य राजदेव पटेल, वडा नं ५ का वडा अध्यक्ष रामेश्वर साह कलवार, वडा सदस्य दारा सिंह पटेल, समाजसेवी अर्जुन पटेल, समाजसेवी जीतेन्द्र वर्मा, डाक्टर अजय यादव, समाजसेवी रमेश सिंह, प्रहरी नायब निरिक्षक तेज प्रताप सिंह, यूवा नेता विबेक गुप्ता, डाक्टर प्रमोद यादव लगायतले शुभकामना दिएका थिए ।
कार्यक्रममा जनता समाजवादी पार्टीका यूवा नेता अजय पटेलले परवानीपुर गाउँपालिकाभित्र रक्तदान गराउने संघ, संस्थाहरुलाई आफनो तर्फबाट रियल जुसको निशुल्क रुपमा उपलब्ध गराउने प्रतिवद्धता व्यक्त गरे । यसैगरी वडा नं ५ बहुअरी टोलका वडा अध्यक्ष रामेश्वर साह कलवारले अगामी आर्थिीक वर्षमा बहुअरी वासीहरुको लागि निशुल्क रुपमा रगत यपलब्ध गराउन यस वडा कार्यालयबाट एक लाखको सहयोग गर्ने घोषणा गरे ।
कार्यक्रममा स्वच्छ समाज यूवा क्लवका अध्यक्ष भूपेन्द्र पटेलले स्वागत मन्तव्य राखेका थिए। सो अवसरमा क्लबका उपाध्यक्ष उमेश साह कानु, कोषाअध्यक्ष मुर्तुजा आलम, सदस्यहरू सरोज यादव, लालबाबु यादव, सन्दिप यादव, अखिल पटेल, समाज सेवी किशोरी राम, रामजी सिंह, स्थानीयहरू अनोज साह, रोशन साह, पवन साह, एभरग्रीन नर्सिङ्ग क्याम्पसका नर्सिङ्ग चिफ मोनिका जैसवाल, प्रीति घिमिरे, हेरिटेज पब्लिक स्कूलका सञ्चालक मंगगेश्वर यादव, समाजसेवी राजेन्द्र भटराई, सञ्चारकर्मी अनिल शाह, अभिलाष गुप्ता, लालबाबु सिंह, रक्तसञ्चार केन्द्रका जितेन्द्र कुशवाहा, महिला समाजसेवी लगायत स्थानीयहरूको उपस्थिति रहेको थियो ।
कार्यक्रम जनता समाजसेवी पार्टी नेपाल बारा क्षेत्र नं ४ का क्षेत्रीय अध्यक्ष यूवा नेता सञ्जु साहको अध्यक्षतामा सम्पन्न भएको थियो । नेता साहले भब्य कार्यक्रम सफल पार्नका निम्ति सहयोगी सबैलाई धन्यबाद दिदै आगामी दिनमा पनि यस्ता कार्यक्रमहरुलाई अगाडि बढाउने प्रतिबद्धता व्यक्त गरे ।
साथै उनले गरीब, असहाय वर्गको लागि निःशुल्क रुपमा रगत उपल्बध हुन्छ भनेर नेपाल रेडक्रस सोसाईटी पर्सा शाखालाई ११ हजार नगद समेत सहयोग गरेका छन । कार्यक्रमको सञ्चालन सञ्चारकर्मी आनन्द पटेलले गरेका थिए ।
