वीरगंज । श्री रामजानकी मठ भेडिहारीका पुजारी बिरा राम भगतकाे निधन भएकाे छ । पर्साको कालिकामाई गाउँपालिका वडा नम्बर २ भेडिहारी निवासी दलित पुजारी ६८ बर्षिय भगतकाे बुधबार विहान निधन भएकाे हाे ।
दुई दशक अगाडीदेखी नै श्री रामजानकी मठ भेडिहारीको पुजारी भई पुजाआजा गर्दै आएका भगतको बुधबार विहान मृत्यु भएको स्थानिय ताजिन्द्र साह कलवारले बताए ।
हाम्राे समाजमा छुवाछुतको भावना बिद्धमान हुँदा हुँदै भगत भेडिहारीस्थित मन्दिरका पुजारी दुई दशकदेखि थिए । पुजारी भगत केही दिन देखी क्यान्सर पिडीत थिए । गरीब परिवारका भगतकाे भरतपुर अस्पतालमा उपचार भएपनि क्यान्सर निकाे हुन सकेकाे थिएन ।
भगतकाे आफनै गाउँस्थित आर्यघाटमा दाहसंस्कार भएको परिवारिक स्राेतले जनाएकाे छ ।
प्रतिक्रिया लेख्नुहोस