वीरगंज । वीरगंजकाे मीनाबजारमा अब क्यूआर कोड मार्फत पनि तरकारी खरिद गर्न पाईने भएको छ ।
माछापुच्छे बैंकले बुधबार मीनाबजारमा डिजिटल प्रविधि मार्फत कारोबारका लागि फलफूल तरकारी ब्यवसायीहरुलाई क्यूआर कोड वितरण गरेको छ ।
कार्यक्रमका प्रमुख अतिथि वीरगन्ज महानगरपालिकाका मेयर विजय कुमार सरावगीले क्युआर कोड वितरण गरेका थिए । मेयर सरावगी आफैले पहिलो ग्राहक बनेर क्युआर कोड प्रयोग गरि सामान खरिद गरी क्यूआर कोडको उदघाटन समेत गरेका थिए ।
साे अवसरमा उनले सूचना प्रविधिको विकासलाई सही ढंगबाट प्रयोग गर्न सके समय र सुरक्षा दुवैमा फाईदा हुने बताए ।
वीरगंजकाे तरकारी तथा फलफूल बजारको मुख्य केन्द्र मीना बजारमा नगद रहित कारोबार गर्नका लागि क्यूआर कोडको माध्यमबाट कारोबार गर्ने सुविधा उपलब्ध गराएको माछापुच्छे« बैंकले जनाएको छ ।
प्रतिक्रिया लेख्नुहोस