वीरगंज(पर्सा), ११ मंसिर ।
मानव अधिकार सम्बन्धी एक दिने प्रशिक्षण कार्यक्रम आज वीरगंजमा सम्पन्न भएको छ । नेपाल मानव अधिकार संगठन, पर्साले होटल कमु प्यालेस, वीरगंजमा आयोजना गरेको कार्यक्रम सम्पन्न भएको हो । कार्यक्रमको उदघाटन समाहरोहलाई सम्बोधन गर्दै वीरगंज महानगरपालिकाका मेयर विजय सरावगीले मानव अधिकारको सवालमा कानुन धेरै बने पनि कार्यन्वन पक्ष नै कमजोर भएको वताए । उदघाटन समारोहका प्रमुख अतिथी मेयर सरावगीले कानुन बनाएर मात्र नहुने भन्दै कार्यन्वयन पक्ष पनि बलियो हुनु पर्ने धारणा राखे ।
सरावगीले उदाहरण दिदै भने आ आफ्नो बच्चाहरुलाई विद्यालय पठाउनु पर्छ नत्र हामी सिफारिस सहितको सेवा सुविधा रोक छौं भन्दा विद्यालय जानको लागि बालबालिकालाई आवश्यक पर्ने कापी, कमल, जुत्ता, मोजा किन्ने क्षमता नभएका अभिभावकको लागि कसरी हुने प्रशन समेत गरे । हामी जाने अन्जानेमा मानव अधिकारको घटना उल्लघंन गरिएको सरावगीको भनाई थियो ।
नेकपाका युवा नेता रहबर अंसारीले मानव अधिकारको हन्न कहां, कसरी र कस्तो भइरहेको छ हामीले बुझनु पर्ने वताए । मानव अधिकार प्रति हामी गम्भीर नभएकोले गम्भीर हुन जरुरी रहेको धारणा राखे । नेपाल पत्रकार महासंघ, पर्साका अध्यक्ष श्याम बंजाराले सर्बप्रथम जनप्रतिनिधिहरुलाई मानव अधिकार बारे प्रशिक्षण दिनु पर्ने वताए । स्थानिय सरकारका जनप्रतिनिधिहरुले नै मानव अधिकार बारे बुझन नसकेका कारण बुझाउन जरुरी रहेको वताए ।
नेपाल मानव अधिकार संगठन, पर्साका अध्यक्ष डा. हरेराम ठाकुरको अध्यक्षतामा भएको उदघाटन सत्रमा संघिय समाजवादी फोरम नेपालका केन्द्रिय सदस्य शशिकपुर मियाँ, नेपाली कांग्रेसका पर्सा क्षेत्रिय नं. १ का सभापति अरविन्द गुप्ता, नेपाल रेडक्रस सोसाइटी प्रदेश नं. २ का संयोजक फुलमहमद मियाँ, सामाजिक संस्था जिल्ला समन्वय समिति, पर्साका अध्यक्ष इब्राहिम देवानले मन्तव्य राखेका थिए भने कार्यक्रम बारे प्रकाश मानव अधिकार संगठन केन्द्रिय कार्यालयका डा.गोबिन्द ढकालले गरेका थिए । मानव अधिकार संगठन, पर्साका पूर्व अध्यक्ष कमल मोहन पोखरेलले स्वागत भाषण गरेको कार्यक्रमको संचालन सचिव शिवनाथ यादवले गरेका थिए ।
विभिन्न क्लेजका विद्यार्थी, संघ/संस्थाका प्रतिनिधि र पत्रकारहरुको सहभागिता रहेको प्रशिक्षण कार्यक्रममा बरिष्ठ अधिवक्ता दिनेश त्रिपाठी र मानव अधिकार संगठनका पूर्व अध्यक्ष विजय उपाध्यायले प्रशिक्षाण दिएका थिए ।